ىشكى ىستەر ءمينيسترى ەرجان سادەنوۆ باستاعان قازاقستان ءىىم دەلەگاسياسى سەۋلدەگى حالىقارالىق پوليسيا سامميتىنە قاتىستى، دەپ حابارلايدى almaty-akshamy.kz
سامميتتە حالىقارالىق ىنتىماقتاستىق، قاۋىپ-قاتەرلەرگە قارسى ءىس-قيمىل، پوليسياداعى زاماناۋي وزگەرىستەرگە دەن قويۋ، كەشەندى جان-جاقتى ىنتىماقتاستىقتى قالىپتاستىرۋ ماسەلەلەرى تالقىلاندى.
سونداي-اق عىلىمعا نەگىزدەلگەن جانە قوعامعا باعىتتالعان پوليسيا ستراتەگياسىن جەتىلدىرۋ، قۇقىق قورعاۋ ورگاندارىنىڭ قىزمەتكەرلەرىن ءارتۇرلى جاعدايلاردا توزىمدىلىككە ۇيرەتۋ جانە تاربيەلەۋ جونىندەگى سۇراقتار قارالدى.
قازاقستاننىڭ ءىىم باسشىسى ءوز سوزىندە كوتەرىلگەن ماسەلەلەردىڭ ماڭىزدىلىعىن، سونىمەن قاتار ىشكى ىستەر ورگاندارىنىڭ ارىپتەستىككە اشىقتىعىن اتاپ ءوتتى. حالىقارالىق ءىس-شاراعا 30-دان استام ەلدىڭ پوليسيا ۆەدومستۆولارىنىڭ، سونداي-اق ينتەرپول، ەۋروپول، بىرىككەن ۇلتتار ۇيىمىنىڭ بەيىندى باسقارماسىنىڭ باسشىلارى قاتىستى.
شارا قارساڭىندا سامميتكە قاتىسۋشى دەلەگاسيا باسشىلارىنىڭ كورەيا رەسپۋبليكاسىنىڭ پرەزيدەنتى يۋن سوك ەلمەن كەزدەسۋى ءوتتى.