قازاقستاندىق فريستايلشى يۋليا گالىشيەۆا اقش-تىڭ ۋوتەرۆيلل قالاسىندا وتكەن الەم كۋبوگىنىڭ جەكە پاراللەلدى موگۋل جارىسىندا قولا مەدال يەلەندى. ول بيىلعى ماۋسىمدا مەدال العان العاشقى قازاقستاندىق سپورتشى اتاندى، دەپ حابارلايدى aqshamnews.kz
جارتىلاي فينالدا جەڭىلىسكە ۇشىراعانىمەن، ءۇشىنشى ورىن ءۇشىن وتكەن جارىستا گالىشيەۆا كانادالىق ماييا شۆينگاممەردى سەنىمدى تۇردە جەڭىپ شىقتى. بۇل جەڭىس يۋليانىڭ الەم كۋبوگىنداعى 22ء-شى مەدالى بولىپ تىركەلدى.
يۋليا گالىشيەۆا – قازاقستاننىڭ سپورت تاريحىنداعى ەڭ تانىمال فريستايلشىلارىنىڭ ءبىرى جانە الەمدىك دەڭگەيدەگى جارىستاردا ەل نامىسىن ءساتتى قورعاپ كەلە جاتقان ماقتانىشىمىز.