الماتى وبلىسىندا "قاراسورا-2025" جەدەل-الدىن الۋ ءىس-شاراسى اياسىندا پوليسەيلەر اسا ءىرى كولەمدەگى پسيحوتروپتىق زاتتاردى تاسىمالداعان كۋرەردى ۇستادى.
ىشكى ىستەر مينيسترلىگىنىڭ ەسىرتكى قىلمىسىنا قارسى ءىس-قيمىل دەپارتامەنتى مەن وبلىستىق باسقارما قىزمەتكەرلەرى تالعار اۋدانىندا Volkswagen Jetta كولىگىن توقتاتىپ، 33 جاستاعى الماتى قالاسىنىڭ تۇرعىنىن ۇستادى.
كولىك سالونىن تەكسەرۋ كەزىندە الدىڭعى ورىندىقتىڭ استىنان ەرەكشە ءيىسى بار سومكە تابىلدى. كۇدىكتىنىڭ تۇرعىلىقتى مەكەنجايىندا جۇرگىزىلگەن ءتىنتۋ بارىسىندا اق ءتۇستى ۇنتاق زات سالىنعان ورام، ءتۇرلى-تۇستى تابلەتكالار، ەلەكتروندى تارازىلار، وراۋ ماتەريالدارى مەن ماگنيتتەر تاركىلەندى.
ساراپتاما ناتيجەسىندە بۇل زاتتاردىڭ 200 گرامنان استام 3-حلورمەتكاتينون جانە 180 گرامنان استام مەتيلەنديوكسيمەتامفەتامين (ەكستازي) ەكەنى انىقتالدى. تەرگەۋ بارىسىندا كۇدىكتىنىڭ وسى جىلدىڭ اقپان ايىنان باستاپ ينتەرنەت-دۇكەننىڭ ەسىرتكى كۋرەرى بولىپ جۇمىس ىستەگەنى، تولەمدى كريپتوۆاليۋتا ارقىلى العانى بەلگىلى بولدى. قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قامالدى. ەسىرتكى جەتكىزۋ ارنالارى مەن قىلمىستىق سىزبانىڭ باسقا قاتىسۋشىلارىن انىقتاۋعا باعىتتالعان كەشەندى ءىس-شارالار جۇرگىزىلۋدە.