كەشە اقش پرەزيدەنتى دونالد ترامپ يراننىڭ يادرولىق ءۇش نىسانعا، اتاپ ايتساق، فوردو، ناتانز جانە يسفاحانعا سوققى جاساعان ەدى. سالدارىنان يراندا بىرنەشە ادام قازا تاۋىپ، جاراقات الدى. جەلىدە يراندا تۇراتىن قازاق قىزىنىڭ ۆيدەوسى تارادى، - دەپ حابارلايدى aqshamnews.kz ءتىلشىسى.
ۆيدەو جۋرناليست سىرىمبەك تولەۋدىڭ الەۋمەتتىك جەلىدەگى پاراقشاسىندا جاريالاندى. وندا قىز يراننىڭ كاسپيي تەڭىزىنە جاقىن قالاسىندا تۇراتىنىن جانە وندا جاعداي تۇراقتى ەكەنىن ايتادى.
"يراندا 3 كۇن ينتەرنەت ءوشىرۋلى بولدى. ءقازىر عانا قوستى. ەشكىمگە حابارلاسا الماي، ءبىراز قينالىپ قالدىق. مۇنى بانكتەرگە حاكەرلەر جۇمىس ىستەتپەي جاتىر ەكەن، بۇدان باسقا حالىق دۇرلىكپەسىن دەپ ءتۇسىندىردى. ءبىزدىڭ قالا كاسپييگە جاقىن بولعان سوڭ تىنىش. باسقا ۇلكەن قالالاردان بىزگە كەلىپ جاتىر. حالىق كوبەيىپ كەتتى. ەشكىم ۇيدەن شىعىپ جاتقان جوق. ۋايىمداماڭىزدار، بىزدە ءبارى جاقسى"، - دەدى ول.
ەسكە سالايىق، 22 ماۋسىمعا قاراعان ءتۇنى اقش يرانعا قارسى وپەراسيا جاسادى. اقش پرەزيدەنتى دونالد ترامپ اقش اۋە كۇشتەرى فوردو، ناتانزە جانە يسفاحاننىڭ يادرولىق قوندىرعىلارىنا سوققى جاساعانىن حابارلادى. پەنتاگون باسشىسى پيت حەگسەت يراننىڭ يادرولىق باعدارلاماسى جويىلعانىن مالىمدەدى.
ال بۇعان دەيىن يران يزرايلگە قارسى زىمىران سوققىلارىن جىبەرگەن ەدى. وعان قوسا پەتاح-تيكۆا جانە تەل-اۆيۆ قالالالارىنداعى كوپقاباتتى عيماراتتارعا زىمىران سوققىسى جاسالعانى ايتىلدى.