الماتى اكىمى دارحان ساتىبالدى ۇلىبريتانيانىڭ جەتەكشى وقۋ ورىندارىنىڭ ءبىرى – Coventry University-مەن سەرىكتەستىكتى دامىتۋ، الماتىدا ينجەنەرلىك كامپۋس اشۋ ماسەلەسىنە ارنالعان كەزدەسۋ وتكىزدى، - دەپ حابارلايدى اqshamnews.kz ءتىلشىسى.
كەزدەسۋگە Coventry University پرورەكتورى، كاسىپكەرلىك جانە يننوۆاسيالار جونىندەگى مامان پول نۋن، Primus Education پرەزيدەنتى اليستەر بارتولوميۋ جانە Coventry University Kazakhstan پرەزيدەنتى ميراس داۋلەنوۆ قاتىستى.
Coventry University Kazakhstan – قازاقستاندا رەسمي تۇردە اشىلعان العاشقى شەتەلدىك ۋنيۆەرسيتەتتەردىڭ ءبىرى. ۋنيۆەرسيتەتتىڭ العاشقى كامپۋسى 2024 جىلى استانادا اشىلعان. قازىرگى تاڭدا وندا 360-تان استام ستۋدەنت ءبىلىم الىپ جاتىر. وقۋ تولىقتاي اعىلشىن تىلىندە جۇرگىزىلەدى، ال وقىتۋشىلار قۇرامى ۇلىبريتانيادان كەلگەن مامانداردان تۇرادى.
كەزدەسۋ بارىسىندا دارحان ساتىبالدى مەملەكەت باسشىسى عىلىمدى دامىتۋعا، وزىق تەحنولوگيا مەن يننوۆاسيالىق شەشىمدەردى ەنگىزۋگە ايرىقشا كوڭىل ءبولىپ وتىرعانىن اتاپ ءوتتى.
«الماتى تەك قارجىلىق جانە ىسكەرلىك حاب قانا ەمەس، سونىمەن قاتار ءعىلىمي-بىلىم بەرۋ ورتالىعى رەتىندە دە قاراستىرىلادى. رەسمي ستاتيستيكا بويىنشا قالادا شامامەن 2،5 ميلليون ادام تۇرادى، ونىڭ 30%-دان استامى – جاستار. 200 مىڭنان استام ستۋدەنت 35-تەن استام جوعارى وقۋ ورنىندا ءبىلىم الىپ جاتىر»، – دەدى اكىم.
جوسپارعا سايكەس، Coventry University Kazakhstan الماتىنىڭ بيزنەس-قوعامداستىعىمەن، قالالىق قۇرىلىمدارمەن جانە ءبىلىم بەرۋ مەكەمەلەرىمەن ستراتەگيالىق ارىپتەستىك ورناتۋدى كوزدەيدى. نەگىزگى ماقسات – ەڭبەك نارىعىندا سۇرانىسقا يە ماماندار دايارلاۋ جانە قالانىڭ تەحنولوگيالىق دامۋىنا قولداۋ كورسەتۋ.
وسى ماقساتتا ۋنيۆەرسيتەت الماتىدا ينجەنەرلىك كامپۋس اشۋدى جوسپارلاپ وتىر. ول ماشينا جاساۋ، ەلەكتر ەنەرگەتيكاسى، اتوم ەنەرگەتيكاسى جانە قۇرىلىس سالالارى بويىنشا ماماندار دايىنداۋعا باسىمدىق بەرەدى.
«ءبىزدىڭ ماقساتىمىز – ەلدىڭ نەگىزگى سالالارىنىڭ دامۋىنا ۇلەس قوسا الاتىن بىلىكتى ماماندار دايارلاۋ. وعان اقپاراتتىق تەحنولوگيا، قارجى، بيزنەس جانە كاسىپكەرلىك تە كىرەدى. ءبىز تەك استانا ەمەس، بۇكىل قازاقستان ەڭبەك نارىعىنىڭ سۇرانىسىنا بەيىمدەلگەن باعدارلامالار ۇسىنامىز. الماتى – جاس ءارى دارىندى ماماندارعا تۇراقتى سۇرانىسى بار، الەۋەتى جوعارى مەگاپوليس»، – دەدى Coventry University Kazakhstan پرەزيدەنتى ميراس داۋلەنوۆ.
كەزدەسۋ سوڭىندا دارحان ساتىبالدى قالا اكىمدىگى ءبىلىم بەرۋ ورتاسىن دامىتۋعا باعىتتالعان جوبالارعا اشىق ەكەنىن جانە ولاردى جان-جاقتى قولداۋعا دايىن ەكەنىن ايتتى.