حيدجاب كيمەگەنى ءۇشىن پوليسياعا ۇستالعان ماحسا ءاميريدىڭ ولىمىنەن كەيىن اراعا ءبىر جىل سالىپ يران حالقى نارازىلىققا قايتادان شىقتى، دەپ حابارلايدى Almaty-akshamy.kz.
CNN ارناسىنىڭ حابارلاۋىنشا، نارازىلىقتار ماحسا ءاميريدىڭ ءولىمىنىڭ ءبىر جىلدىعىنا ورايلاستىرىلعان. ءاميريدى ەسكە الۋعا ارنالعان شەرۋ ەل استاناسى تەگەراندى قوسا العاندا، كەمىندە التى ءىرى قالادا وتكەن. يراننىڭ سولتۇستىگىندەگى لاحيدجان قالاسىنداعى نارازىلىق اكسياسىن قارۋلى پوليسيا تاراتقان.
كەيبىر شەرۋشىلەر ۇكىمەتكە قارسى مالىمدەمەلەر جاسادى. كوپتەگەن نارازىلىق بىلدىرۋشىلەر «ايەلدەر، ءومىر، بوستاندىق» دەگەن سەكىلدى ۇرانداردى جازىپ العان. بۇل يراندا ءبىر جىل بۇرىنعى جاپپاي نارازىلىقتار كەزىندە قولدانىلعان ۇراندار بولاتىن. سول كەزدە ەل تۇرعىندارى مەملەكەت باسشىلىعىنىڭ قابىلعان ساياساتىمەن كەلىسپەيتىندىكتەرىن ءبىلدىرىپ، حيدجاب كيۋگە قويىلاتىن قاتاڭ تالاپتاردى جۇمسارتۋدى تالاپ ەتكەن ەدى. وتكەن جىلعى شەرۋ بيلىك تاراپىنان قاتاڭ شارالار قولدانۋ ارقىلى باسىلعاندىقتان، بيىلعى شەرۋگە حالىق الدەقايدا از جينالدى.
ماحسا ءاميريدى ەسكە الۋ ميتينگىلەرى پاريجدە، بريۋسسەلدە، بەرليندە جانە لوندوندا دا ءوتتى. سونىمەن قاتار، يراننىڭ وزىندە قىزدىڭ قايتىس بولعانىنا ءبىر جىل تولماس بۇرىن ونىڭ اكەسى، اعاسى بىرنەشە ساعاتقا قاماۋعا الىنعان. سەبەبى، ولارعا جاپپاي ەسكە الۋ شارالارىن وتكىزبەۋ تۋرالى ەسكەرتىلگەن.