قازىرگى ۋاقىتتا الماتى قالاسىنىڭ سوت ورىنداۋشىلارىنىڭ ورىنداۋىندا اليمەنت ءوندىرىپ الۋ تۋرالى 16 مىڭنان استام اتقارۋشىلىق ءىس جۇرگىزىلۋدە، دەپ حابارلايدى Almaty-akshamy.kz.
ونىڭ 60% - دان استامى مەرزىمدى ءوندىرىپ الۋ بارىسىندا، دەپ ايتتى وكق بريفينگىندە الماتى قالاسى ادىلەت دەپارتامەنتىنىڭ وكىلدەرى.
«سونداي-اق، بورىشكەرلەر اليمەنتتى ءوز بەتىنشە تولەيتىن اتقارۋشىلىق ءىس جۇرگىزۋلەر دە بار. الايدا، سوت شەشىمدەرىن، سونىڭ ىشىندە اليمەنت بويىنشا شەشىمدەردى ورىنداۋ كوپتەگەن قيىندىقتارمەن بايلانىستى، مىسالى، بورىشكەردىڭ قولما-قول اقشاسىنىڭ بولماۋى، جاۋاپكەردىڭ تۇرعىلىقتى جەرىن بەلگىلەمەۋ، تۇراقتى جۇمىس ورنىنىڭ بولماۋى، ءوندىرىپ الۋعا بولاتىن مۇلىك جانە ت.ب»، - دەدى الماتى قالاسى ادىلەت دەپارتامەنتى اتقارۋشىلىق ءىس جۇرگىزۋدى قامتاماسىز ەتۋ بويىنشا ءبولىم باسشىسى ءانۋار جەكسەكوۆ.
اليمەنت تولەۋدى قامتاماسىز ەتۋ ءۇشىن بورىشكەرلەردى جۇمىسقا ورنالاستىرۋ قاجەت. وسى ماقساتتا مەملەكەتتىك ورگانمەن ءوزارا ءىس-قيمىل تۋرالى مەموراندۋمعا قول قويىلدى.
وسىلايشا، 2023 جىلى اليمەنت بويىنشا بورىشكەرلەر ءۇشىن 4 بوس ورىندار جارمەڭكەسى وتكىزىلدى، وعان 320 جۇمىس ورنىنا اشىق بوس جۇمىس ورىندارى بار 15-تەن استام ءىرى كومپانيا (مىسالى، Forte Bank، Sulpak، Helios، رامس قازاقستان جانە ت.ب.) شاقىرىلدى.
اعىمداعى جىلى دەپارتامەنت بارلىعى 78 بورىشكەر اكىمشىلىك جاۋاپكەرشىلىككە تارتتى، 5 تاۋلىككە دەيىن 81 اكىمشىلىك قاماۋ جازاسى قولدانىلدى. اليمەنت بويىنشا 4 بورىشكەر قىلمىستىق جاۋاپكەرشىلىككە تارتىلدى، سوت ورىنداۋشىلارىنىڭ 4 ۇسىنىسى انىقتاۋ ورگاندارىنىڭ قاراۋىندا.
«اليمەنت ءوندىرىپ الۋ بويىنشا بارلىق قابىلدانىپ جاتقان شارالاردى ەسكەرە وتىرىپ، بورىشكەرلەر 50 ملن.تەڭگەدەن استام بەرەشەك تولەدى، وسىلايشا دەپارتامەنت سوت اكتىلەرىن ورىنداۋ جونىندەگى مىندەتتەردى شەشىپ، الداعى ۋاقىتتا دا ىستەردىڭ الەۋمەتتىك ماڭىزدى ساناتتارىن ناقتى ورىنداۋ ءۇشىن جۇمىس ىستەيتىن بولادى»، - دەدى سپيكەر.
2023 جىلى سوت ورىنداۋشىلارى بەرەشەكتى وتەۋ ەسەبىنەن 3 جىلجىمايتىن مۇلىك، 7 جىلجىمالى مۇلىك ساتتى، سول ارقىلى 20 ملن.تەڭگەدەن استام بەرەشەك وتەلدى.
سونىمەن قاتار، 2023 جىلى اليمەنت بويىنشا ارەكەتسىزدىگى ءۇشىن 8 جەكە سوت ورىنداۋشىسىنا قاتىستى ليسەنزيانىڭ قولدانىسىنان ايىرۋ تۋرالى ۇسىنىس جىبەرىلدى، 4 سوت ورىنداۋشىسى ليسەنزيادان ايىرىلدى، 4ء-ۋى سوت قاراۋىندا.
2023 جىلى 27-دەن استام وتباسى قايتا قاۋىشىپ، اليمەنت تولەۋ ماسەلەسى جويىلدى. سونىمەن قاتار، اليمەنت ءوندىرىسىن ناقتى ورىنداۋ جانە بورىشكەرلەر مەن ءوندىرىپ الۋشىلار اراسىندا ىمىراعا كەلۋ ءۇشىن سوت ورىنداۋشىلارى كوبىنەسە مەدياتورلاردىڭ كومەگىنە جۇگىنەدى. 2023 جىلى 116 بىتىمگەرشىلىك كەلىسىم جاسالدى.