قالا دۇكەندەرىنىڭ بىرىندە نان باعاسىنىڭ 590-690 تەڭگەدەن ساتىلىپ جاتقاندىعى جايلى اقپارات تارادى. جاعدايدىڭ ءمان-جايىن انىقتاۋ ءۇشىن دۇكەن سورەلەرىن ءبىر شولىپ شىقتىق، دەپ حابارلايدى Almaty-akshamy.kz.
بيىل، شىلدە ايىنىڭ قورىتىندىسى بويىنشا، نان 8،6% قىمباتتاعان. ونىڭ ىشىندە قارا بيدايدان جاسالعان نان ءبىر جىلدا 12،7%، جوعارى سۇرىپتى ۇننان جاسالعان نان 12،4%-عا، ءبىرىنشى سۇرىپتى ۇننان جاسالعان بيداي نانى 5،8%-عا قىمباتتاعان.
– نان باعاسى اي سايىن 5-10 تەڭگەدەن ءوسىپ جاتىر. ال جالاقىمىز ءباز-باياعىشا. كەشە قالاداعى دۇكەندەردىڭ بىرىنە ازىق-تۇلىك الۋ ءۇشىن كىرگەن ەدىم. سورەلەردە 500 تەڭگەدەن، 980 تەڭگەدەن تۇرعان ناندى كوردىم. بۇل جاعدايدى ەلەۋسىز قالدىرماي، الەۋمەتتىك جەلىلەرگە جاريالادىم. ءبىز بيداي ءوسىرىپ، ۇن وندىرەتىن ەلمىز. نەلىكتەن باعا قىمبات؟ باعا بارلىق قالالاردا بىردەي – 100 تەڭگەنىڭ اينالاسىندا بولۋى قاجەت دەپ ويلايمىن، – دەيدى قالا تۇرعىنى.
2023 جىلدىڭ مامىر ايىنىڭ سوڭىندا ۇن باعاسى، 2022 جىلدىڭ مامىرىمەن سالىستىرعاندا، 16،2%-عا قىمباتتادى. وتكەن جىلى ايلىق ءوسىم 6،8%، جىلدىق ءوسىم 29،9%-دى قۇراعان.
وسى رەتتە، نان ونىمدەرىنىڭ باعاسىنا توقتالا كەتسەك.
«بولكە» نانى 180 تەڭگە
«قارا» نانى 250 تەڭگە
«باگەت» نانى 350 تەڭگە
تىلمە باتون 380تەڭگە
تاندىر نان 280-350 تەڭگە