ساۋد ارابياسىندا الەمدەگى ەڭ ۇلكەن قۇران مەن ازان جارىسى ءوتتى.
ساۋد ارابياسىندا وتكەن قۇران وقۋ جانە ازان ايتۋ جارىسىندا جەرگىلىكتى جانە يراندىق قاري ءبىرىنشى ورىن الدى. بۇل تۋرالى اlmaty-akshamy.kz Al Arabiya-عا سىلتەمە جاساپ حابارلايدى.
اتاپ ايتقاندا، قۇران وقۋ سايىسىندا يراندىق قاتىسۋشى يۋنۋس شاحمۋرودي ءبىرىنشى ورىن الىپ، 800 مىڭ دوللار (357 223 600 تگ) جۇلدەسىن جەڭىپ السا، ساۋد ارابياسىنىڭ وكىلى ابدۋلازيز ال-فاكيح ەكىنشى ورىندى يەلەندى. وعان 500 000 دوللار (223 264 750 تگ) بەرىلدى.
ازان سايىسىندا ساۋد ارابياسىنىڭ وكىلى مۇحاممەد اش-شاريف جەڭىسكە جەتىپ، 500 مىڭ دوللار ۇتتى. يندونەزيادان كەلگەن تالاپكەر دياددين بين نيزوريددين ەكىنشى ورىن الدى، وعان 267 مىڭ دوللار (119 223 376 تگ) بەرىلگەن.
جەڭىمپازدارعا جۇلدەلەردى ساۋد ارابياسى باس ويىن-ساۋىق باسقارماسىنىڭ ءتوراعاسى تۋركي ال-شەيح تابىس ەتتى.
SPA مالىمەتىنشە، جارىستىڭ جالپى جۇلدە قورى 3 ميلليون دوللاردى قۇراعان.
بۇل جارىس ەڭ ۇلكەن قۇران وقۋ جانە ازان ايتۋ جارىسى رەتىندە گيننەستىڭ رەكوردتار كىتابىنا ەنگەن.