ولار - ءومىر بويىنا باس بوستاندىعىنان ايىرىلعاندار.
بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ب ا ق وكىلدەرىمەن وتكەن بريفينگتە ايتتى، دەپ حابارلايدى Almaty-akshamy.kz.
ونىڭ ايتۋىنشا، ايەلدەردىڭ نەگىزگى تالابى - ءوز ەلدەرىنە تەزىرەك ەكستراديسيالانۋ. ەسكە سالايىق، جازاسىن وتەپ جاتقان قازاقستاندىقتار - وسىدان بىرنەشە جىل بۇرىن ءومىر بويىنا باس بوستاندىعىنان ايىرىلعاندار. ال ولاردىڭ بالالارى «رۋسافا» وپەراسياسى اياسىندا يراكتان قازاقستانعا جەتكىزىلگەن بولاتىن.
«تۇتقىندار ءوز مەملەكەتتەرىنە تەزىرەك ەكستراديسيالاۋ تۋرالى تالاپ ەتۋدە. اشتىق اكسياسى يراك بيلىگىنىڭ "راقىمشىلىق تۋرالى" زاڭعا قول قويۋ تۋرالى قاۋەسەتتەر اياسىندا باستالدى. قولدا بار اقپاراتقا سايكەس، يراك بيلىگى بارلىق ساناتتاعى قىلمىس جاساعان ادامدارعا راقىمشىلىق جاساۋ تۋرالى زاڭعا بيىل قول قويۋدى جوسپارلاپ وتىر. بۇل ناقتى ەمەس، قولدا بار اقپارات»، - دەدى سىرتقى ىستەر مينيسترلىگىنىڭ رەسمي وكىلى ايبەك سمادياروۆ.