«IQ الماتى» ينتەللەكتۋالدى شوۋى كورەرمەنگە قايتا جول تارتادى.
باعدارلاما «الماتى» تەلارناسىندا وتەدى. وندا قالاداعى ءبىلىمدى وقۋشىلار ب ا ق سىنايدى، دەپ حابارلايدى Almaty-akshamy.kz.
باعدارلامانىڭ ماقساتى – مەكتەپ تۇلەكتەرىنىڭ جاڭا ءومىر بەلەسىنە قادام جاساۋىنا مۇمكىندىك بەرۋ. جوباعا الماتى قالاسى مەكتەپتەرىنىڭ 11-سىنىپ وقۋشىلارى ىرىكتەلىپ الىنادى. ءار كەزەڭدە ۇزدىكتەردى انىقتاپ وتىراتىن جوبا 5 كەزەڭنەن تۇرادى.
«بۇل – زامانعا ساي قاجەتتى ءارى پايدالى جوبا. ادەتتەگى ويىن-ساۋىق جوبالارىنا ۇقسامايدى. ۇرپاقتى دامىتۋعا قوساتىن ۇلەسى كوپ. جاستار – ۇلتتىڭ اۆانگاردى دەسەك بولادى. 2020 جىلدان بەرى بىلىمگە كوپ كوڭىل ءبولىنىپ كەلەدى. الەم بويىنشا ءبىلىمدى ادامداردىڭ تاسى ورگە دومالاپ، بولاشاق تەك بىلىممەن بايلانىستىرىلىپ وتىر. سول سياقتى قازاق ەلىندە دە ءبىلىم سالاسىن دامىتۋ، جاڭالىق اشۋعا تالپىناتىن جاستارعا قولداۋ كورەتۋ ماڭىزدى. وسى تۇرعىدان العاندا، «IQ الماتى» باعدارلاماسى جاستارعا ۇلكەن ومىرگە قادام جاساۋعا مۇمكىندىك بەرەدى»، - دەدى شەف-رەداكتور بايان باقكەلدى.
ال 16 جاسىندا وسىنداي باعدارلاماعا قاتىسقان جوبا جۇرگىزۋشىسىنىڭ ايتۋىنشا، ينتەللەكتۋالدى سايىس ۇرپاق تاربيەسىنە، ءبىلىم ساپاسىنىڭ ارتۋىنا زور ىقپال ەتەدى.
«2009 جىلى قاتىسقانمىن. 16 جاستا ەدىم. جوبا كەرەك. ەلىمىزدى دامىتۋعا، جاستاردى دۇرىس جولعا سالۋعا، باعىت بەرۋدە ءوز رەيتينگىسىن كورسەتەدى. جۇزدەن جۇيرىك، مىڭنان تۇلپار – ءبىلىمدى جاستار قاتىسادى. وسىنداي زياتكەرلىك باعدارلامانىڭ كوبەيگەنى قۋانتادى. ال ونى جۇرگىزۋ مەن ءۇشىن جاۋاپكەرشىلىك ءارى مارتەبە»، - دەدى باعدارلاما جۇرگىزۋشىسى داۋلەت مۇقايەۆ.
بەس كەزەڭنەن تۇراتىن ىرىكتەۋدەن وتكەن 2 وقۋشى جوعارعى وقۋ ورنىندا وقۋعا مۇمكىندىك الادى. جوبانىڭ تيىمدىلىگى سول، جوو ءبىلىمدى ستۋدەنتتى قابىلداسا، تۇلەكتەر تەگىن وقۋ ارقىلى جارقىن بولاشاعىنا جولداما الادى. سونداي-اق باعدارلاما بارىسىندا قالا مەكتەپتەرىنىڭ دەڭگەيىن دە انىقتاۋدىڭ مۇمكىندىگى زور. جوبا ءبىر جاعى، مەكتەپ باعدارلاماسىنداعى سۇراقتاردى قويۋ ارقىلى كورەرمەندى دە قىزىقتىرسا، ەكىنشى قىرى، باستاۋىش نە ورتا بۋىن وقۋشىلارىن ساباقتى جاقسى وقۋعا ىنتالاندىرادى.
«IQ الماتى» باعدارلاماسى 10 قىركۇيەكتە ەفيرگە شىعادى.