«يوتا» بۇرىن ۆيرۋس جۇقتىرعان ادامداردىڭ 10%-نىڭ يممۋنيتەتىن اينالىپ ءوتتى.
نيۋ -يوركتىڭ دەنساۋلىق ساقتاۋ جانە پسيحيكالىق گيگيەنا دەپارتامەنتىنىڭ جانە كولۋمبيا ۋنيۆەرسيتەتى قوعامدىق دەنساۋلىق ساقتاۋ مەكتەبىنىڭ ەپيدەميولوگيا ءبولىمىنىڭ عالىمدار توبى نيۋ-يوركتە تابىلعان «يوتا» كوروناۆيرۋسىنىڭ شتامى ەگدە جاستاعى ادامداردىڭ ءولىمىن 82%-عا ارتتىراتىنىن انىقتادى، دەپ حابارلايدى Almaty-akshamy.kz «ۆەدوموستي» باسىلىمىنا سىلتەمە جاساپ.
"يوتا" شتامىن دۇنيەجۇزىلىك دەنساۋلىق ساقتاۋ ۇيىمى (ددۇ) مەن اقش اۋرۋلاردى باقىلاۋ جانە الدىن الۋ ورتالىقتارى (CDC) «قىزىعۋشىلىق نۇسقاسى» رەتىندە تالداعان.
زەرتتەۋ ءۇشىن عالىمدار نيۋ-يوركتە جينالعان توعىز ەپيدەميولوگيالىق جانە پوپۋلياسيالىق دەرەكتەر جيىنتىعىن، سونداي-اق «يوتا» شتامىنىڭ وتكىزگىشتىگىنىڭ، يممۋندىق پوتەنسيالىنىڭ جانە ءولىم ءقاۋپىنىڭ وزگەرۋىن باعالاۋ ءۇشىن كۇردەلى مودەلدەۋدى قولداندى.
عالىمدار بۇل شتامنىڭ جۇعۋ جىلدامدىعى الدىڭعى نۇسقالارىنا قاراعاندا 15-25% جوعارى ەكەنىن انىقتادى. "يوتا" بۇرىن ۆيرۋس جۇقتىرعان ادامداردىڭ 10% يممۋنيتەتىن اينالىپ ءوتتى. سونداي-اق، وسى شتامنىڭ كەسىرىنەن ەرەسەكتەر اراسىندا ءولىم-جىتىم كوبەيدى. ناقتى ايتقاندا، ءولىم كورسەتكىشى 45-64 جاستاعى ادامدار اراسىندا 46%-عا، 65-74 جاستاعىلار اراسىندا 82%-عا جانە 75 جاستان اسقان ادامداردا 62%-عا ارتقان.
اتالعان شتامم وتكەن جىلدىڭ قاراشا ايىندا نيۋ-يوركتە انىقتالعان.