مەن ەكپە الدىم!
جاڭا وقۋ جىلى جاقىنداعان سايىن وقۋشىلار ءداستۇرلى فورماتتا وقي ما، الدە تاعى ونلاين بولا ما دەگەن سۇراق كوپشىلىكتى الاڭداتۋدا، دەپ حابارلايدى Almaty-akshamy.kz.
ەلدەگى كوروناۆيرۋس ىندەتى ءورشىپ تۇرعان شاقتا وففلاين وقۋدىڭ ءقاۋپىن دە ويلاپ وتىرعاندار از ەمەس. ءبىراق ءبىلىم سالاسىنىڭ ونلاينعا كوشۋى ءبىلىمنىڭ ساپاسىنىڭ كەمۋىنە الىپ كەلەتىنى بەسەنەدەن بەلگىلى. ەندى قايتپەك كەرەك؟ جاپپاي اۋىرىپ قالۋدان، ادام شىعىنىنان ساقتانۋدىڭ جالعىز عانا جولى – ەكپە سالدىرۋ بولىپ تۇر.
بالالارىنىڭ ساپالى ءبىلىم الۋىن، ءداستۇرلى فورماتتا وقىپ، پارتاعا ورالۋىن قالايتىن اتا-اتانىڭ تاڭداۋى – ۆاكسينا الۋ. وسى ورايدا ەلىمىزدەگى جوعارعى وقۋ ورنىندا وقيتىن ستۋدەنتتەردىڭ اتا-انالارى حالىقتى ەكپە سالدىرۋعا ۇندەپ وتىر.