قازاقستان رەسپۋبليكاسى كولىك ۆيسە-مينيسترى تالعات لاستايەۆ يوردانيا حاشيميت كورولدىگىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى حامزا ءال-وماري مىرزامەن كەزدەستى، دەپ حابارلايدى aqshamnews.kz
بۇعان دەيىن، قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ اعىمداعى جىلدىڭ اقپان ايىندا يوردانيا حاشيميت كورولدىگىنە ساپارىنىڭ قورىتىندىسى بويىنشا يوردانيا تاراپى قازاقستانعا ۇشۋدى باستاۋعا نيەت ءبىلدىردى.
وسىعان وراي، كەزدەسۋ بارىسىندا تاراپتار اۋە قوزعالىسى تۋرالى كەلىسىمگە قول قويۋ مۇمكىندىگىن قاراستىرىپ، ەلدەر اراسىندا تىكەلەي اۋە قاتىناسىن اشۋ ماسەلەسىن تالقىلادى. حامزا ءال-وماري مىرزا سونىمەن قاتار «Royal Jordanian» اۋە كومپانياسىنىڭ 2026 جىلدىڭ ماۋسىمىنان باستاپ اپتاسىنا 2 رەيس جيىلىگىمەن قازاقستانعا تىكەلەي رەيستەردى ورىنداۋ جوسپارلارى تۋرالى حابارلادى. ءوز كەزەگىندە قازاقستان تاراپى قولدانىستاعى كەلىسىمدەر اياسىندا اۋە رەيستەرىن اشۋعا قاجەتتى كومەك كورسەتۋگە دايىن ەكەنىن مالىمدەدى.
سونىمەن قاتار، تاراپتار ەلدەر اراسىنداعى تەڭىز كەمەلەرىنىڭ ەكيپاج مۇشەلەرىنىڭ ديپلومدارىن ءوزارا تانۋ تۋرالى كەلىسىمگە قول قويۋ مەرزىمدەرى تۋرالى كەلىستى.