يوردانيادا قازاقستاننىڭ كينو كۇندەرى ءوتتى

يورداندىقتار «بالۋان شولاق» جانە «جاۋجۇرەك مىڭ بالا» فيلمدەرىن تاماشالادى.

يوردانيا حاشيميت كورولدىگىنىڭ استاناسى امماندا قازاقستان تاۋەلسىزدىگىنىڭ 30 جىلدىعىن مەرەكەلەۋ اياسىندا قازاقستاننىڭ كينو كۇندەرى ءوتتى، دەپ حابارلايدى Almaty-akshamy.kz قازاقپارات-قا سىلتەمە جاساپ.
شارانى ش.ايمانوۆ اتىنداعى «قازاقفيلم» اق جانە يوردانيانىڭ كينەماتوگرافيا بويىنشا كورولدىك كوميسسياسىمەن بىرلەسىپ قازاقستان رەسپۋبليكاسىنىڭ يوردانياداعى ەلشىلىگى ۇيىمداستىردى.
كينوكورسەتىلىم اممان قالاسىنىڭ ەڭ كونە اۋداندارىنىڭ بىرىندە ورنالاسقان «كينو ۇيىندە» ءوتتى. قوناقتارمەن امانداسقان قازاقستان ەلشىسى ايداربەك تۋماتوۆ قازاقستاندىق كينەماتوگرافياعا تانىتقان قىزىعۋشىلىعى ءۇشىن ولارعا العىسىن ءبىلدىردى.

«شارا يورداندىقتاردىڭ قازاقستان حالقىمەن، ونىڭ تاريحى جانە مادەنيەتىمەن جاقىنىراق تانىسۋىنا جاعداي جاساپ، قازاقستاندىق-يوردان مادەني-گۋمانيتارلىق ىنتىماقتاستىعىنىڭ ودان ارى نىعايۋىنا سەپتىگىن تيگىزەدى»، - دەپ اتاپ ءوتتى ەلشى.

شارا رەجيسسەر نۇرگەلدى سادىقۇلوۆتىڭ «بالۋان شولاق» كوركەم فيلمىمەن باستالدى. كينوكارتينا كورەرمەننىڭ جوعارى باعاسىن الدى. كەلەسى كورسەتىلگەن فيلم – رەجيسسەر اقان ساتايەۆتىڭ «جاۋجۇرەك مىڭ بالا» كينوكارتيناسى. فيلمدەر ءتۇپنۇسقا ۇلگىسىندە، اعىلشىن تىلىندەگى سۋبتيترلەرىمەن كورسەتىلگەن.
شاراعا ديپلوماتيالىق كورپۋس، ب ا ق وكىلدەرى، سونداي-اق يوردانيا استاناسىنىڭ قوعام قايراتكەرلەرى مەن تۇرعىندارى قاتىستى.