جان كوسوبۋسكيي كاسىبي مانساپ جولىندا 16-شى رەت جەڭىسكە جەتتى.
قازاقستاندىق بوكسشى جان كوسوبۋسكيي (15-0، 14 كو) گەرمانيانىڭ گامبۋرگ قالاسىندا وتكەن بوكس كەشىندە كەزەكتى جەكپە-جەگىن وتكىزدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
جەڭىلىپ كورمەگەن اسا اۋىر سالماقتاعى قازاقستاندىق بوكسشى جان كوسوبۋسكيي WBA International چەمپيونى بەلبەۋىن قورعاۋ ءۇشىن «تانك» دەگەن لاقاپ اتى بار امەريكالىق دجوۋي داۆەيكومەن (21-8-4، 12 كو) جۇدىرىقتاستى. اسا اۋىر سالماقتاعى جەكپە-جەك 12 راۋندقا سوزىلۋى ءتيىس بولاتىن. الايدا، امەريكالىق سوڭىنا دەيىن شىداي المادى. قازاقستاندىق ەكىنشى راۋندتا قارسىلاسىن نوكاۋتقا جىبەردى. وسىلايشا جان كوسوبۋسكيي كاسىبي مانساپ جولىندا 16-شى رەت جەڭىسكە جەتتى جانە ەكىنشى دەڭگەيلى WBA اتاعىن ءساتتى قورعاپ قالدى. ال دجوۋي داۆەيكو كاسىبي رينگتە وسىمەن 9-شى رەت جەڭىلىستىڭ اششى ءدامىن تاتتى.