ماسكا كيۋدى جانە الەۋمەتتىك ارا قاشىقتىق ساقتاۋدى ۇمىتپاعان ءجون.
بەلگىلى قازاقستاندىق پروفەسسور، دارىگەر، مەديسينا عىلىمدارىنىڭ دوكتورى رافايل روزەنسوننىڭ پىكىرىنشە، الداعى 5-6 اپتادا ءبىز ءالى دە كوروناۆيرۋس بويىنشا ەپيدەميولوگيالىق ورلەۋدىڭ شىڭىندا بولامىز، سوندىقتان ۆاكسيناسيا تاقىرىبى ءقازىر بۇرىنعىدان دا وزەكتى، دەپ حابارلايدى Almaty-akshamy.kz.
«ۆاكسينا – بۇل كوروناۆيرۋستى جۇقتىرماۋىڭىزعا كەپىل بولمايدى، ءبىراق اۋرۋدى ەمدەۋ ۆاكسيناسيالانباعان ناۋقاستارعا قاراعاندا الدەقايدا ءتيىمدى بولاتىنىنا كەپىلدىك بەرەدى»، - دەيدى دارىگەر.
ءقازىر ۋاقىتتاعى اۋرۋ اعىمىنىڭ ەرەكشەلىگى سول ۆاكسيناسيالانباعان پاسيەنتتەر اۋرۋحاناعا وكپەنىڭ 15-20% زاقىمدانۋىمەن ءتۇسىپ جاتىر ەكەن، ءبىراق بىرنەشە كۇننەن كەيىن بۇل كورسەتكىشتەر 50-70% جەتەدى، ال كوروناۆيرۋستى ەمدەۋدە قولدانىلاتىن گورموندار مەن قان سۇيىلتاتىن پرەپاراتتار مۇنداي ناۋقاستارعا ۆاكسيناسيالانعان پاسيەنتتەرگە قاراعاندا الدەقايدا ءالسىز اسەر ەتەتىندىگىن ءتۇسىندىردى پروفەسسور.
قازاقستان وڭىرلەرىنىڭ كوپشىلىگى كوروناۆيرۋستىڭ تارالۋ قارقىنى بويىنشا ءالى دە «قىزىل» ايماقتا ەكەنىن ەسكەرە وتىرىپ، پروفەسسور ءبىزدىڭ ەلىمىزدىڭ بارلىق تۇرعىندارىن كۆي-گە قارسى ۆاكسينا الۋعا عانا ەمەس، دارىگەرلەر ۇسىنعان قاۋىپسىزدىك شارالارىن ساقتاۋعا شاقىردى.
«ەگەر ءسىز ۇيدەن ادامدار كوپ جينالاتىن جەرلەرگە شىقساڭىز، ماسكا كيۋدى ۇمىتپاڭىز جانە الەۋمەتتىك قاشىقتىقتى ساقتاۋعا تىرىسىڭىز»، - دەگەن كەڭەس بەردى دارىگەر.