بۇل سۇراققا وكق بريفينگىندە قازاقستان رەسپۋبليكاسى ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ الماتى قالاسى بويىنشا دەپارتامەنتىنىڭ باسشىسى اسەل بۋدەنەيەۆا جاۋاپ بەردى، دەپ حابارلايدى Almaty-akshamy.kz.
«ىسكە قوسىلعان اكتيۆتەرگە تەحنيكالىق اۋديت جۇرگىزۋ تاجىريبەسىن ەنگىزۋ بويىنشا قابىلدانعان شارالار ينفراقۇرىلىم وبەكتىلەرىنىڭ، ينجەنەرلىك جەلىلەردىڭ ناقتى توزۋ دەڭگەيىن انىقتاۋعا جانە قاجەتتى شارالاردىڭ قۇنىن باعالاۋعا مۇمكىندىك بەرەدى»، - دەيدى ءا.بۋدەنەيەۆا
وسىلايشا، ءاربىر مونوپوليست بويىنشا قارجىلاندىرۋدىڭ جەتكىلىكتى دەڭگەيىن انىقتاۋ ءۇشىن ەكونوميكالىق جانە تەحنيكالىق جاعدايىنا جەكە باعالاۋ جۇرگىزىلىپ، كەيىن ولاردى دەرەك كوزدەرى بويىنشا ءبولۋ جۇرگىزىلەدى.
قوماقتى ينۆەستيسيالار كولەمىن تارتۋ، سونداي-اق كورسەتىلەتىن قىزمەتتەردىڭ قۇنىنا جۇكتەمەنى ازايتۋ ماقساتىندا جەڭىلدەتىلگەن بيۋدجەتتىك نەسيەلەۋ (قارجىلاندىرۋ مولشەرلەمەسىن سۋبسيديالاۋ، ۇزاق مەرزىمدى نەسيەلەندىرۋ جانە ت.ب.) مەحانيزمىن قاراستىرۋ ۇسىنىلادى.
ەسەپتى قاراۋ اياسىندا قوسىمشا تارتىلعان ينۆەستيسيالاردىڭ ماقساتىنا قاراي پايدالانىلۋى دا تەكسەرىلەتىن بولادى.
جۇرگىزىلىپ جاتقان رەفورمالاردان بارىنشا جوعارى ناتيجە الۋ ءۇشىن ءبىرقاتار مەملەكەتتىك مونوپوليستەردى ءبىر ورگانعا بىرىكتىرۋدى كوزدەيتىن مونوپوليستەردىڭ قىزمەتىن رەتتەۋ تاسىلدەرىن وزگەرتۋ قاجەت، بۇل پايدالانۋ شىعىندارىن وڭتايلاندىرۋعا جانە ينۆەستيسيالىق تارتىمدىلىقتى ارتتىرۋعا مۇمكىندىك بەرەدى.
بيىلدان باستاپ جۇرگىزىلىپ جاتقان جۇمىستار وبەكتىلەرىنە جاسالاتىن پرەسس-تۋرلار شەڭبەرىندە تابيعي مونوپوليالار سۋبەكتىلەرىنىڭ ينۆەستيسيالىق باعدارلامالارىن ىسكە اسىرۋ مونيتورينگىنە جۇرتشىلىق پەن مۇددەلى تاراپتاردىڭ بەلسەندى قاتىسۋى قاراستىرىلعان.
«ينۆەستيسياعا ايىرباس ءتاريفى» جاڭا تاريفتىك ساياساتقا كوشۋ شەڭبەرىندە تاريفتىك رەتتەۋ تاسىلدەرىن جەتىلدىرۋ، ينۆەستيسيالاردى تارتۋ بويىنشا شارالار قابىلداۋ، تاريفتىك رەتتەۋدى ينستيتۋسيونالدىق كۇشەيتۋ، قۇقىقتىق قامتاماسىز ەتۋ، سونداي-اق تۇتىنۋشىلار ءۇشىن تاريفتىك رەفورمانىڭ اسەرىن باعالاۋدى قامتيتىن جول كارتاسى ازىرلەندى.
باعدارلامانىڭ قاعيداتى نەگىزگى جابدىقتار مەن جەلىلەردىڭ توزۋىن جىل سايىن 2-3%-عا ازايتۋ ءۇشىن قوسىمشا ينۆەستيسيا تارتۋدى كوزدەيدى. تابيعي مونوپوليا سۋبەكتىلەرىنىڭ اعىمداعى ينۆەستيسيالىق باعدارلامالارى نەگىزىنەن اعىمداعى قورلاردى ساقتاۋعا جانە جىل سايىن توزۋدى 1% شەگىندە تومەندەتۋگە باعىتتالعان.