ياكۋتيا سيفرلىق تەحنولوگيا، كرەاتيۆتى يندۋستريا مەن كينەماتوگرافيا باعىتىندا دا بايلانىس جاساۋعا نيەتتى.
كەزدەسۋدە قازاقستاننىڭ وڭىرلەرى مەن ساحا رەسپۋبليكاسى (ياكۋتيا) اراسىنداعى ساۋدا-ەكونوميكالىق، عىلىمي جانە مادەني-گۋمانيتارلىق پەرسپەكتيۆالارى تالقىلاندى، دەپ حابارلايدى Almaty-akshamy.kz اقورداعا سىلتەمە جاساپ.
سونىمەن قاتار ەكى ەلدىڭ سيفرلاندىرۋ سالالارىنداعى ءوزارا ءتيىمدى كووپەراسيالاردى دامىتۋدىڭ پەرسپەكتيۆالارى تالقىلاندى.
مەملەكەت باسشىسى بەلسەندى ءوڭىرارالىق ىنتىماقتاستىق ءوزارا ساۋدا كورسەتكىشتەرىنە وڭ ىقپال ەتكەنىن ايتتى. پرەزيدەنتتىڭ پىكىرىنشە، ءوڭىرارالىق ساۋدا كولەمى ايتارلىقتاي ارتتى. قازاقستان ساۋدا قاتىناستارىن ودان ءارى تەرەڭدەتۋگە مۇددەلى.
قاسىم-جومارت توقايەۆ قازاقستان مەن ساحا رەسپۋبليكاسىن تامىرى تەرەڭ تاريحي جانە مادەني-گۋمانيتارلىق قارىم-قاتىناستار بايلانىستىراتىن اتاپ ءوتىپ، ىنتىماقتاستىقتى كەڭەيتۋگە ەرەكشە نازار اۋداراتىنىن ايتتى.
كەزدەسۋدە ايسەن نيكولايەۆ ساحا ەلى قازاقستان كومپانيالارىمەن ونەركاسىپ ونىمدەرى، مينەرالدى رەسۋرستار جانە زەرگەرلىك بۇيىمدار سالالارىندا ساۋدا-ساتتىق جاساۋعا دايىن ەكەنىن جەتكىزدى. سونىمەن قاتار ياكۋتيا سيفرلىق تەحنولوگيا، كرەاتيۆتى يندۋستريا مەن كينەماتوگرافيا باعىتىندا دا بايلانىس جاساۋعا نيەتتى.