الماتىدا «ياندەكس.تاكسي» اگرەگاتورى ارقىلى ينۆاتاكسي قىزمەتتەرىن ۇسىنۋ بويىنشا پيلوتتىق جوبا ىسكە قوسىلدى، دەپ حابارلايدىۆ almaty-akshamy.kz
الماتى قالاسى اكىمدىگىنىڭ باستاماسىمەن جانە ەڭبەك مينيسترلىگىنىڭ قولداۋىمەن «ياندەكس.تاكسي» اگرەگاتورى ارقىلى ينۆاتاكسي قىزمەتتەرىن ۇسىنۋ جوباسى باستالدى. بۇعان دەيىن مەگاپوليستە قوسىمشا قاجەتتىلىكتەرى بار ادامداردى تاسىمالداۋ ءۇشىن ارنايى كولىك تاپشىلىعى بايقالعان بولاتىن.
جوبا اعىمداعى جىلدىڭ قىركۇيەگىنە دەيىن ەكى اي ىشىندە پيلوتتىق رەجيمدە ىسكە اسىرىلاتىن بولادى. وڭ ناتيجەلەرى بويىنشا ەڭبەك مينيسترلىگى نقا-كە ءتيىستى وزگەرىستەر ەنگىزۋدى جوسپارلاپ وتىر.
اعىمداعى جىلى جەرگىلىكتى بيۋدجەتتەن 946 ملن. تەڭگە ءبولىندى.سونىڭ ارقاسىندا ينۆاتاكسي سانىن 100 اۆتوموبيلگە دەيىن ارتتىرۋ جانە جول قۇنى 2700 تەڭگەدەن 3 300 تەڭگەگە دەيىن ۇلعايادى. ترافيك پەن اۋا-رايىنا قاراماستان بۇل ءبىر ساعاتتىق جولاقىسى.
«ياندەكس.تاكسي» اگرەگاتورى ارقىلى ينۆاتاكسي قىزمەتتەرىن الۋ ءۇشىن مۇگەدەكتىگى بار ادامدار ينۆاتاكسي قىزمەتتەرىن قولدانىستاعى جەتكىزۋشىلەر ارقىلى اۆتوريزاسيالانۋى قاجەت (قب «Inclusion.kz» - كرەسلو-اربامەن قوزعالاتىن مۇگەدەك ادامدار ءۇشىن (24 اۆتوماشينا)؛ «سرۋ ينۆاتاكسي» جشس-كرەسلو-اربامەن قوزعالاتىن بالالار ءۇشىن (24 اۆتوماشينا)؛ «social Project Organization Group» قب – ءاۋتيزمى بار بالالار ءۇشىن (14 اۆتوماشينا)؛ «زور قب دەنساۋلىق» - بالالار مەن ەرەسەكتەرگە ارنالعان كورۋ قابىلەتى بۇزىلعان بالالارعا ارنالعان (بالالارعا ارنالعان 16 اۆتوموبيل جانە ەرەسەكتەرگە ارنالعان 22 اۆتوموبيل).
مۇگەدەكتىگى بار ۋاكىلەتتى تۇلعالار وزدەرىنە ىڭعايلى ۋاقىتتا ارنايى ازىرلەنگەن «INVA» ءتاريفى بويىنشا «ياندەكس.تاكسي» قوسىمشاسى ارقىلى ينۆاتاكسي قىزمەتتەرىنە تاپسىرىستى دەربەس جۇزەگە اسىرا الادى. قىزمەتتەردىڭ ۇزدىكسىز جۇمىس ىستەۋىن قامتاماسىز ەتۋ ءۇشىن ەكى جول جۇرىسىنە شەكتەۋ بار.
ينۆاتاكسي قىزمەتتەرىن جەتكىزۋشىنىڭ شىعىندارىن وتەۋ جەرگىلىكتى بيۋدجەت قاراجاتى ەسەبىنەن جەتكىزۋشىلەر ورىندالعان جۇمىستاردىڭ اكتىلەرىن ۇسىنعاننان كەيىن جۇزەگە اسىرىلاتىن بولادى.
پيلوتتىق جوبانىڭ ىسكە اسىرىلۋىن ۇيلەستىرۋ جانە باقىلاۋ الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنا جۇكتەلگەن.