قازاقستاندا ۇلتتىق ساناقتى جۇرگىزۋگە دايىندىق ءجۇرىپ جاتىر
2021 جىلعى ۇلتتىق ساناقتى جۇرگىزۋ جۇمىسىنا 32 مىڭنان استام ادام تارتىلاتىن بولادى. ينتەرۆيۋەر قىزمەتىنە باستاماشىل، جاۋاپتى، كوممۋنيكابەلدى، كومپيۋتەردە جۇمىس جاساي الاتىن 18 جاستان اسقان قازاقستان ازاماتتارى ۇمىتكەر بولا الادى، دەپ حابارلادى Almaty-akshmy.kz. ق ر ستراتەگيالق جوسپارلاۋ جانە رەفورمالار اگەنتتىگىنە سىلتەمەلەپ.
ينتەرۆيۋەردىڭ مىندەتىنە ەلىمىزدىڭ قالالارى مەن اۋىلدارىنداعى ءۇي شارۋاشىلىقتارىن جاپپاي ارالاۋ كىرەدى. ۇيلەردى ارالاۋ كەزەڭىندە ينتەرۆيۋەرگە ارنايى كۋالىكتەر مەن ۇلتتىق ساناقتىڭ اتريبۋتتارى بەرىلەتىن بولادى.
«كۋالىكتە ينتەرۆيۋەردىڭ فوتوسۋرەتى، تەگى، اتى، اكەسىنىڭ اتى، كۋالىكتىڭ بەرىلگەن ۋاقىتى مەن جارامدىلىق مەرزىمى، سونداي-اق، اۋماقتىق ستاتيستيكا بولىمشەسىنىڭ قولى مەن ءمورى بولادى. بارلىق ينتەرۆيۋەرلەردە حالىق ساناعىنىڭ بەلگىلەرى بار كوك ءتۇستى مويىنوراعىش پەن پورتفەل بولۋى ءتيىس»، - دەيدى ۇلتتىق ستاتيستيكا بيۋروسىنىڭ رەسمي وكىلى ولجاس سايلاۋبەك ۇلى.
ەستەرىڭىزگە سالا كەتەيىك، 2021 جىلدىڭ ۇلتتىق ساناعى 1 قىركۇيەكتەن 30 قازانعا دەيىنگى ارالىقتا وتەدى. وعان ونلاين رەجيمىندە دە، ءداستۇرلى تاسىلمەن دە قاتىسۋعا بولادى. 2021 جىلدىڭ ساناعىنىڭ ۇرانى – «قازاقستاندا اركىم ماڭىزدى! ۆ كازاحستانە كاجدىي ۆاجەن!».
