پوليسيا ازاماتتاردى ساق بولۋعا شاقىرادى!
ىىم-دە ينتەرنەت-الاياقتىققا قارسى ءىس-قيمىل تۋرالى ايتىلدى، دەپ حابارلايدى aqshamnews.kz Polisia.kz-كە سىلتەمە جاساپ.
– اقپاراتتىق تەحنولوگيالار مەن ونلاين-قىزمەتتەردىڭ دامۋىمەن ينتەرنەتتە اقپارات قولجەتىمدى. بۇل ينتەرنەتتەگى الاياقتىققا اكەلۋدە. سوڭعى جىلدارى بۇل ءجيى جاسالاتىن قىلمىسقا اينالدى، – دەدى ءىىم كريمينالدىق پوليسيا دەپارتامەنتىنىڭ باستىعى قانات نۇرماعامبەتوۆ.
مىسالى، قوستاناي تۇرعىنى DarkNet پەن Telegram ارقىلى ينتەرنەت-الاياقتىق جاساعان. قاسكوي 1،5 ملن تەڭگەدەن استام تابىس تاپقانى انىقتالدى. ەر ادام “كاردينگپەن”، ياعني بانك كارتالارىنىڭ دەرەكتەمەلەرىن ۇرلاپ جانە ولاردى قايتا ساتۋمەن، سونداي-اق اقشاعا كومپيۋتەرلىك ۆيرۋستاردى تاراتۋدى ۇيرەتۋمەن اينالىسقان. ءقازىر فيگۋرانت ۇستالىپ، سوتتالدى.
– شىمكەنتتىك الاياق Instagram پاراقشانىڭ دۋبليكاتىن جاساپ، بالالاردىڭ ەمىنە اقشا جيناۋ ارقىلى ادامداردى الداعان. وسىلايشا ول 32 ملن تەڭگە جيناعان. الاياق ۇستالدى. قاماۋدا، – دەدى قانات نۇرماعامبەتوۆ.
ۆەدومستۆو كيبەرقىلمىستارعا قارسى كۇرەستى جۇيەلى تۇردە جۇرگىزەدى. ءساۋىر ايىندا ۋكراينانىڭ ودەسسا جانە زاپوروجە قالالارىندا وتكەن حالىقارالىق ارنايى وپەراسيا بارىسىندا بەس الاياقتىق call-ورتالىق جويىلدى. قاسكۇنەمدەر قازاقستاندىق ازاماتتارعا قاتىستى قىلمىس جاساعان. 30-دان استام كۇدىكتى ۇستالدى، قاجەتتى ءىس-شارالار جۇرگىزىلىپ جاتىر.
قىركۇيەك ايىندا جەدەل ءىس-شارالاردى وتكىزۋ كەزىندە الماتى قالاسىندا ءتورت call-ورتالىق جويىلىپ، 47 شەتەلدىك ۇستالدى. ولار شەت مەملەكەتتەردىڭ ازاماتتارىنا قاتىستى الاياقتىقپەن اينالىسقان. تەرگەۋ شارالارى جۇرگىزىلىپ، تاركىلەنگەن تەحنيكا تەكسەرىلىپ جاتىر.
– پوليسيا ازاماتتاردى ساق بولۋعا شاقىرادى. بۇل باعىتتاعى جۇمىس جالعاسۋدا، – دەدى پوليسيا پولكوۆنيگى.