قورعانىس مينيسترلىگى ق ر ۇكىمەتىنىڭ «زاپاستاعى وفيسەرلەردى اسكەري قىزمەتكە شاقىرۋ تۋرالى» قاۋلىسىنىڭ جوباسىن دايىندادى.
نورماتيۆتىك قۇقىقتىق اكت «اسكەري قىزمەت جانە اسكەري قىزمەتشىلەردىڭ مارتەبەسى تۋرالى»ق ر زاڭىنىڭ 32-بابىنا سايكەس ازىرلەندى.
ۇكىمەت قاۋلىسىنىڭ جوباسىنا سايكەس 2025 جىلى 915 زاپاستاعى وفيسەر اسكەري قىزمەتكە شاقىرىلادى. اسكەري قىزمەتكە شاقىرىلعان ازاماتتار 24 اي بويى قارۋلى كۇشتەردە، ۇقك شەكارا قىزمەتىندە، ءىىم ۇلتتىق ۇلانىندا جانە توتەنشە جاعدايلار مينيسترلىگىندە وفيسەرلىك قۇرام لاۋازىمدارىندا قىزمەت اتقارادى.
زاپاستاعى وفيسەرلەردى شاقىرۋ اسكەري دايىندالعان رەزەرۆتى جيناقتاۋ جانە وفيسەرلەر قۇرامىنىڭ بوس لاۋازىمدارىن تولىقتىرۋ ماقساتىندا جۇزەگە اسىرىلادى.
ۇكىمەت قاۋلىسى جوباسىنىڭ تولىق ماتىنىمەن «ەلەكتروندىق ۇكىمەت» پورتالىندا بيىلعى جىلدىڭ 21 قازانىنا دەيىن «اشىق نقا» بولىمىندە مىنا سىلتەمە بويىنشا تانىسۋعا بولادى: https://legalacts.egov.kz/npa/view؟id=15224605