ينتەرنەت پايدالانۋشى قازاقستاندىقتاردىڭ سانى ارتىپ كەلەدى

قازاقستان بۇۇ-نىڭ ەڭ سيفرلاندىرىلعان 30 مەملەكەتىنىڭ قاتارىنا كىرەدى. 

قازاقستاندا ينتەرنەت پايدالانۋشىلارمەن بىرگە ينتەرنەتتىڭ جىلدامدىعى دا ارتىپ كەلەدى، دەپ حابارلايدى Almaty-akshamy.kz energyprom.kz  سىلتەمە جاساپ. 

"2021 جىلى 6-74 جاس ارالىعىنداعى  جالپى حالىق  سانىندا اقپاراتتىق-كوممۋنيكاسيالىق تەحنولوگيالاردى پايدالانۋشىلار ۇلەسى 92،9%-عا جەتتى. 2020 جىلى بۇل كورسەتكىش 88،2% بولسا، 2016 جىلى 78،8%-دى قۇراعان بولاتىن"، -دەپ جازادى Energyprom.kz.

مامانداردىڭ مالىمەتى بويىنشا، قازاقستاندىقتاردىڭ ءومىرىن جەڭىلدەتەتىن كەز كەلگەن سيفرلىق شەشىمدەر ەلدى ساپالى ينتەرنەت بايلانىسىمەن قامتۋ دەڭگەيىن ارتتىرۋمەن بىرگە وزەكتى بولىپ وتىر. Speedtest.net دەرەكتەرى بويىنشا قازاقستاندا تۇڭعىش رەت ءموبيلدى ينتەرنەتتىڭ ورتاشا جىلدامدىعى جەلىدەن جۇكتەپ الۋدا 38،3 مبيت/س  جانە ينتەرنەتكە جۇكتەپ سالۋدا 13،2 مبيت/س جەتتى.

ءوز كەزەگىندە، ءموبيلدى وپەراتورلاردىڭ wi-fi ارقىلى تاراتىلاتىن ينتەرنەتىنەن جۇكتەپ الۋ جىلدامدىعى 72،6 مبيت/س جانە جەلىگە اقپاراتتى جۇكتەپ سالۋ جىلدامدىعى 69،8 مبيت/س بولىپ، رەكوردتىق كورسەتكىشكە جەتتى.

مۇنداي جاعدايلاردا سيفرلىق سەرۆيستەردىڭ كوبەيۋى جانە كەز كەلگەن قىزمەتتەردى ونلاين الۋ مۇمكىندىكتەرىن كەڭەيتۋ — بانكتىك ونىمدەر، جىلجىمايتىن مۇلىك ساتىپ الۋ، مەملەكەتتىك قىزمەتتەر قوعامنىڭ ۇيلەسىمدى دامۋى ءۇشىن وزەكتى بولا بەرەرى ءسوزسىز.