ق ر ءىىم كريمينالدىق پوليسيا دەپارتامەنتى باستىعىنىڭ ورىنباسارى قانات نۇرماعامبەتوۆ ينتەرنەت-الاياقتىقتىڭ كەڭ تاراعان تۇرلەرىن اتادى، دەپ حابارلايدى almaty-akshamy.kz قازاقپاراتقا سىلتەمە جاساپ.
«ينتەرنەت-الاياقتىق جاساۋدىڭ ەڭ كوپ تاراعان تۇرلەرى مىناداي: جارناما ارقىلى تاۋارعا نەمەسە قىزمەتكە الدىن الا تولەم الۋ. وعان ينتەرنەت-الاياقتىقتىڭ جارتىسى تيەسىلى. ەكىنشىسى - شاعىن نەسيە ۇيىمدارىنىڭ سايتتارىندا ونلاين-زايم راسىمدەۋ. جىل باسىنان مۇنداي شامامەن 3 مىڭ قىلمىس جاسالدى. ءۇشىنشىسى - ازاماتتاردىڭ جەكە مالىمەتتەرىن العاننان كەيىن بانكتىك ەسەپشوتتارىنان اقشا قاراجاتتارىن ۇرلاۋ»، - دەدى ول ءىىم باسپا ءسوز الاڭىندا وتكەن بريفينگىدە.
ونىڭ اتاپ وتۋىنشە، كوپ جاعدايدا الاياق جالعان نومىرلەر ارقىلى قوڭىراۋ شالىپ، ءوزىن بانك قىزمەتكەرى رەتىندە تانىستىرادى.
«ءبىرقاتار جاعدايدا زارداپ شەگۋشىلەر «فيشينگىلىك» ينتەرنەت-رەسۋرستارعا وزدەرىنىڭ مالىمەتتەرىن ەرىكتى تۇردە ەنگىزگەن. 2 مىڭعا جۋىق الاياقتىق ءتۇرلى جوبالارعا، ويىندارعا، ينۆەستيسيالارعا باسكە ءتيىمدى اقشا تىگۋ جەلەۋىمەن جاسالعان»، - دەدى قانات نۇرماعامبەتوۆ.