جوق كيىمدەردى ساتىپ، اقشا جىمقىرعان ەكى ستۋدەنتتىڭ قىلمىستارى اشىلدى
الماتىدا ەكى ستۋدەنت جوق ايەلدەر كيىمىن ساتۋ ارقىلى پايدا كورمەك بولدى، دەپ حابارلايدى Almaty-akshamy.kz Polisia.kz-ke سىلتەمە جاساپ.
بىرنەشە قىلمىستى جاسادى دەگەن كۇدىككە ن.ەسىمدى جانە ك.ەسىمدى ازامات ىلىكتى. ەكەۋى دە 20 جاستا.
«جاستار تانىمال الەۋمەتتىك جەلى ارقىلى جوق ايەلدەر كيىمدەرىن ساتۋمەن اينالىسقان. ولار تاۋاردىڭ تومەن باعاسىن كورسەتە وتىرىپ، پايداكۇنەمدىك ماقساتتا جالعان پاراقشا اشىپ، بوتەن جارنامالاردىڭ سۋرەتتەرىن ورنالاستىرعانى انىقتالدى. كليەنتتەرمەن كەلىسسوزدەردى تەك Instagram ارقىلى جۇرگىزگەن جانە نيەتتەرىنىڭ تازالىعىنا سەندىرگەن. تولەمدى بانك شوتىنا اۋدارۋدى ۇسىنعان. جابىرلەنۋشىلەر اقشا جىبەرگەن كەزدە ولار دەرەۋ اككاۋنتتىڭ اتىن وزگەرتكەن جانە ونى بۇعاتتاعان. قازىرگى ۋاقىتتا پوليسياعا ءتورت ادام ارىزداندى»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
قىزىلوردا مەن اقتوبە وبلىستارىنىڭ تۋمالارىندا بۇعان دەيىن زاڭعا قاتىستى ەشقانداي قيىندىقتارى بولماعان. ءقازىر “كاسىپكەرلەر” ۋاقىتشا ۇستاۋ يزولياتورىنا قامالدى. قىلمىستىق ءىس ق ر قك-نىڭ 190-بابى بويىنشا تەرگەلۋدە. پوليسيا كۇدىكتىلەردىڭ وسىعان ۇقساس باسقا دا قىلمىستارعا قاتىسى بار-جوعىن تەكسەرىپ جاتىر، زارداپ شەككەندەر سانى الدەقايدا كوپ بولۋى مۇمكىن.