ينتەرنەت-الاياقتاردىڭ ارەكەتىنەن زارداپ شەككەن اقمولا وبلىسىنىڭ تۇرعىنىنىڭ كەزەكتى ءوتىنىشى كوكشەتاۋ قالاسىنىڭ پوليسيا باسقارماسىنا 11 قازاندا كەلىپ ءتۇستى. بۇل تۋرالى Almaty-akshamy.kz Inform.kz-كە سىلتەمە جاساپ حابارلايدى.
ءوتىنىش بەرۋشىنىڭ ايتۋىنشا، اعىمداعى جىلدىڭ قىركۇيەگىندە Instagram الەۋمەتتىك جەلىسىندە ونىڭ نازارىن كاپيتالدى كوبەيتۋ جانە ديۆيدەندتەر الۋ مۇمكىندىگى تۋرالى حابارلاما اۋدارعان. اتالعان سىلتەمە بويىنشا ءوتىپ، شاعىن ساۋالنامانى تولتىرعان اقمولالىق تۇرعىن باعدارلاماعا تىركەلگەن، سول مەزەتتە ونىڭ تەلەفونىنا ءبىر كونسۋلتانتتان قوڭىراۋ تۇسكەن.
كۇنى بويى الاياقتار ءوتىنىش بەرۋشىنى بارلىق نۇسقاۋلاردى ورىنداۋ جانە اقشا اۋدارۋ قاجەت دەپ سەندىرگەن. ايەلدە بۇل الاياقتار بولۋى مۇمكىن دەگەن كۇدىك بىرنەشە رەت پايدا بولعان، الايدا ادامدى سەندىرۋدىڭ جوعارى قابىلەتىنە يە الاياقتار ونى سەندىرىپ، سونىمەن قاتار گيپنوزداعانداي بولعان.
وسى باعدارلامانىڭ زاڭدىلىعى تۋرالى سۇراقتارعا الاياقتار دەرەكتەمەلەرى بار قۇجاتتار ۇسىنعان. تالاپ ەتىلگەن سومانى اۋدارۋ ءۇشىن ءوتىنىش بەرۋشى دەپوزيتتەگى جيناقتاردى پايدالانىپ، دوستارىنان قارىز العان، سونداي-اق بانكتە نەسيە راسىمدەگەن. الاياقتارعا اۋدارىلعان جالپى سوما – 5 ميلليون تەڭگەدەن استام.
بۇل فاكتىنى پوليسەيلەر ق ر قك-نىڭ 190-بابى 3-بولىگى (الاياقتىق) بويىنشا سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىندە تىركەدى. العاشقى تەرگەۋ ارەكەتتەرى اياسىندا حات-حابارلار، قوڭىراۋلار تۇسكەن تەلەفون نومىرلەرى تاركىلەندى.
تەرگەۋ جالعاسۋدا.
پوليسەيلەر اقمولالىقتاردى قىراعى بولۋعا شاقىرادى: ينتەرنەت-الاياقتىقتىڭ نەگىزگى تۇرلەرى – ينتەرنەت-رەسۋرستارعا جالعان حابارلاندىرۋلار بەرۋ جانە جابىرلەنۋشىلەردىڭ جوق تاۋار ءۇشىن الدىن الا تولەم جاساۋى – 94 فاكت، الەۋمەتتىك جەلىلەر ارقىلى كرەديتتەردى راسىمدەۋ جانە ونلاين-قارىزدار. سوڭعى كەزدە الاياقتار سەنگىش ازاماتتارعا قوڭىراۋ شالىپ، وزدەرىن بانك قىزمەتكەرلەرى ەتىپ تانىستىراتىن جاعدايلار جيىلەپ كەتتى.
سونداي-اق پوليسيا قىزمەتكەرلەرى بانكپەن بىرلەسكەن ءىس-شارالار وتكىزىپ، ولاردىڭ بانكتىك وپەراسيالارى تۋرالى الاڭدايتىن فاكتىلەر دە بار. ولار ءبىر رەتتىك نومىرلەردەن قوڭىراۋ شالىپ، قىلمىستىق قۋدالاۋ قاۋپىمەن قورقىتادى.
ءتارتىپ ساقشىلارى اقمولا وبلىسىنىڭ تۇرعىندارى مەن قوناقتارىنا ەشبىر جاعدايدا سسV-كودتار مەن بانك كارتالارىنىڭ نومىرلەرىن حابارلاماۋعا، بانكتىڭ جالعان وكىلدەرىنىڭ نۇسقاۋى بويىنشا قاشىقتان قول جەتكىزۋ قوسىمشالارىن جۇكتەمەۋگە كەڭەس بەرەدى.