بيىل نان ءونىمى بۇرىن بەلگىلەنگەن بولجامدى دەڭگەيدەن اسىپ ءتۇستى
16 قازاندا قازاقستاندا نان كۇنى اتاپ وتىلەدى. مەرەكەلىك كۇن 2019 جىلى ۇكىمەتتىڭ قاۋلىسىمەن بەلگىلەندى، دەپ حابارلايدى Almaty-akshamy.kz Inform.kz-كە سىلتەمە جاساپ.
بۇل كۇن نان ونىمدەرىنىڭ، سونداي-اق نان وندىرىسىنە قاتىسى بار بارلىق مامانداردىڭ: نان وندىرۋشىلەر، ۇن تارتۋشىلار مەن ناۋبايشىلاردىڭ جوعارى مارتەبەسىن نىعايتۋعا ارنالعان.
بيىل ەلىمىز مەرەكەگە جوعارى كورسەتكىشتەرمەن كەلىپ وتىر.
بيىل نان ءونىمى بۇرىن بەلگىلەنگەن بولجامدى دەڭگەيدەن اسىپ ءتۇستى. ماسەلەن، جوسپارلانعان 19،5 ملن توننا بۋنكەرلىك سالماقتاعى استىقتىڭ ورنىنا بۇگىندە 21،7 ملن توننادان استام استىق باستىرىلدى. سونىمەن قاتار، 16،3 ملن توننادان استام بيداي جينالدى، بۋنكەرلىك سالماقتا 14،1 ملن توننا جينالادى دەپ بولجانعان بولاتىن. مۇنىڭ ءبارى نان وسىرۋشىلەردىڭ قاجىماس ەڭبەگىنىڭ ارقاسىندا مۇمكىن بولدى. بۇگىنگى تاڭدا قازاقستاندىق فەرمەرلەردىڭ استىقپەن وتاندىق نارىقتى عانا ەمەس، ونى ءبىزدىڭ ونىمدەرىمىزدىڭ ساپالىق كورسەتكىشتەرى جوعارى باعالاناتىن شەت مەملەكەتتەرگە ساۋدالاۋعا مۇمكىندىگى بار.
جاپپاي ەگىن جيناۋ اياقتالعاننان كەيىن قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ وتاندىق ديحانشىلاردى قۇتتىقتاپ، دەنساۋلىق پەن ەڭبەكتەرىنە تابىس تىلەدى.
«ديحاندارىمىزدىڭ جوعارى كاسىبيلىگىنىڭ، ءوز ىسىنە ادالدىعىنىڭ جانە قاجىرلى ەڭبەگىنىڭ ارقاسىندا اگروونەركاسىپ كەشەنى ازىق-تۇلىك قاۋىپسىزدىگىنىڭ سەنىمدى كەپىلىنە جانە ەكونوميكالىق دامۋدىڭ باستى قوزعاۋشى كۇشىنە اينالدى. ءبىز تۇرعىلىقتى جەرىنە قاراماستان بارلىق ازاماتتاردىڭ جان-جاقتى دامۋىنا بىردەي مۇمكىندىك بەرىلەتىن ادىلەتتى قازاقستاندى قۇرىپ جاتىرمىز. سوندىقتان اۋىل تۇرعىندارىنىڭ ءال- اۋقاتىن ارتتىرىپ، تۇرمىس سالتىن جاقسارتۋ - ءبىزدىڭ باستى مىندەتىمىز. بارشا ديحاندارعا زور دەنساۋلىق پەن ب ا ق بەرەكە تىلەيمىن»، - دەدى پرەزيدەنت قۇتتىقتاۋ حاتىندا،
«قۇرمەتتى اۋىل شارۋاشىلىعى تاۋارىن وندىرۋشىلەر، سىزدەر ەلىمىزدىڭ يگىلىگى ءۇشىن جانە ازىق-تۇلىك قاۋىپسىزدىگىن قامتاماسىز ەتۋدە ىستەپ جاتقان ەڭبەكتەرىڭىزدىڭ باعاسى ۇشان-تەڭىز. قاجىرلى ەڭبەكتەرىڭىز ءۇشىن العىس ايتامىز. مەرەيلى مەرەكە - نان كۇنى قۇتتى بولسىن!»،-دەلىنگەن حابارلامادا.