الماتى قالاسىندا 21-22 جەلتوقساندا «Techcup-2022» الماتى قالاسى اكىمىنىڭ كۋبوگىنا روبوتوتەحنيكا جانە يننوۆاسيالىق تەحنولوگيالار بويىنشا VII اشىق چەمپيونات وتەدى، دەپ حابارلايدى اlmaty-akshamy.kz.
چەمپيوناتتىڭ ماقساتى – بالالار مەن جاستاردىڭ يننوۆاسيالار مەن ينجەنەرلىك ازىرلەمەلەر سالاسىنا قىزىعۋشىلىعىن ىنتالاندىرۋ، ىت-قۇزىرەتتىلىكتەرىن دامىتۋ جانە تانىمال ەتۋ، بالالار مەن جاستار اراسىندا تالانتتاردى انىقتاۋ جانە قولداۋ.
چەمپيوناتقا قازاقستان رەسپۋبليكاسىنىڭ بارلىق وڭىرلەرىنەن 7 جاستان 22 جاسقا دەيىنگى ءارتۇرلى جاس توپتارىندا 700-دەن استام كوماندا قاتىسادى.
چەمپيونات كەلەسى باعىتتار بويىنشا وتەدى: ينجەنەرلىك جوبالار؛ باعدارلامالاۋ؛ ىت-دەگى بيزنەس؛ 3D-مودەلدەۋ؛ روبوتتار جارىسى (VEX، سۋمو، جەلى، كەگەلرينگ). TechCup مەكتەپ وقۋشىلارىن، كوللەدجدەر مەن جوعارى وقۋ ورىندارىنىڭ ستۋدەنتتەرىن، كاسىپكەرلەردى، اتا-انالاردى، سونداي-اق ءبىلىم بەرۋ يدەيالارى مەن جوبالارىنىڭ اۆتورلارىن بىرىكتىرەدى.
چەمپيوناتتىڭ جالپى جۇلدە قورى 4 ملن تەڭگەدەن اسادى. سونىمەن قاتار رەسپۋبليكانىڭ ءبىرقاتار جەتەكشى جوعارى وقۋ ورىندارى چەمپيونات جەڭىمپازدارى (مەكتەپ تۇلەكتەرى) ءۇشىن 2023 جىلعا ارنالعان 15 ءبىلىم گرانتىن بولەدى.
چەمپيونات الماتى قالاسى، "نۇركەنت" شاعىناۋدانى، 7 مەكەنجايى بويىنشا «Almaty Arena» مس بازاسىندا وتەدى.