بالالار جىلى اياسىندا مەگاپوليستە ەرەكشە بالالاردىڭ قاتىسۋىمەن ۇلتتىق ينكليۋزيۆتى ويىندار ءوتىپ جاتىر. «جۇلدىزاي» سپورتتىق ويىندارى بالۋان شولاق اتىنداعى سپورت سارايىندا جانە ورتالىق ستاديوندا 27-30 قىركۇيەك ارالىعىندا سپورتتىڭ 6 ءتۇرى بويىنشا ۇيىمداستىرىلۋدا.
قاتىسۋشىلار ميني-فۋتبول، گولبول، جەڭىل اتلەتيكا، ءجۇزۋ، ۇستەل تەننيسى سياقتى سپورت تۇرلەرىمەن قاتار، اسىق اتۋ، بەس تاس سىندى ۇلتتىق ويىنداردان دا سىنعا تۇسەدى. رەسپۋبليكالىق سپارتاكياداعا ەلىمىزدىڭ بارلىق ايماعىندا وتكەن ىرىكتەۋ جارىستارىندا توپ جارعان بالالار قاتىسۋدا. ىرىكتەۋ سايىسىنا ەلىمىزدەگى 97 مامانداندىرىلعان ينتەرناتتا وقيتىن جانە جالپى ءبىلىم بەرەتىن مەكتەپ ۇستازدارىنىڭ جەتەكشىلىگىمەن ۇيدەن ءبىلىم الاتىن ءۇش مىڭعا جۋىق بالالار مەن جاسوسپىرىمدەر قاتىستى. ناتيجەسىندە ولاردىڭ 310-ى رەسپۋبليكالىق دوداعا جولداما العان.
«ەلىمىزدىڭ ءار ايماعىنان كەلگەن تالانتتى، شىمىر بالاقايلارىمىزدى وسى دودادا كورىپ وتىرعانىما وتە قۋانىشتىمىن. جاس تالانتتىلاردىڭ ومىرلەرىنە تەك قانا ساتتىلىك تىلەيمىن. قازىرگى ۋاقىتتا ەلىمىزدە سپورتپەن اينالىسىپ جەتىستىككە جەتىپ جۇرگەن جانداردى كوزىمىز شالادى. قانداي جاعدايدا بولسا دا، وزدەرىڭىزدى جاقسى كورىڭىزدەر، سالاۋاتتى ءومىر سالتىن ۇستانىڭىزدار»، – دەيدى قازاقستان رەسپۋبليكاسىنداعى بالا قۇقىقتارى جونىندەگى ۋاكىل ارۋجان ساين.
«جۇلدىزاي» ويىندارى ق ر مادەنيەت جانە سپورت مينيسترلىگىنىڭ 2022 جىلعى سپورتتىق-بۇقارالىق ءىس-شارالاردىڭ ءبىرىڭعاي كۇنتىزبەلىك جوسپارىنا ەندى. ويىن جەڭىمپازدارى حالىقارالىق جارىستارعا قاتىسىپ، سپورتتىق رازريادتار الا الادى.
«مەنىڭ سپورتپەن اينالىسىپ جۇرگەنىمە 4 جىلدان استام ۋاقىت ءوتىپتى. باستاپقىدا قيىنعا سوقتى. دەنەمدى ۇيرەتە المادىم. ءقازىر وقۋىم مەن سپورتتى قاتار الىپ جۇرەمىن. بىرنەشە سايىستارعا قاتىستىم. ءوزىم وقيتىن مەكتەپتىڭ اتىن اۋدانارالىق جارىستاردا تانىتىپ ءجۇرمىن. ماعان قولداۋ ءبىلدىرىپ، سەنىم ارتقان اتا-اناما، جاتتىقتىرۋشىلارىما العىسىمدى بىلدىرەمىن»، – دەيدى اسىلحان شەرزات ەسىمدى قاتىسۋشى.
بيىلدان باستاپ «جۇلدىزاي» ۇلتتىق ينكليۋزيۆتى ويىندارىنا اينالعان «جۇلدىزاي» سپارتاكياداسى ەلىمىزدەگى ەرەكشە ءبىلىم بەرۋ قاجەتتىلىكتەرى بار 10-18 جاس ارالىعىنداعى بالالار مەن جاسوسپىرىمدەر قاتىساتىن جالعىز كاسىبي سپورتتىق جارىس بولىپ تابىلادى. «جۇلدىزاي» كورپوراتيۆتىك قورى كوپ جىلدار بويى ەرەكشە بالالاردىڭ ءومىرىن جاقسارتۋعا، شىعارماشىلىق جانە سپورتتىق قابىلەتتەرىن دامىتۋعا باعىتتالعان شىعارماشىلىق، سپورتتىق، مەديسينالىق جانە الەۋمەتتىك جوبالاردى جۇزەگە اسىرىپ كەلەدى. سالاۋاتتى ءومىر سالتىن قالىپتاستىرۋ جانە ناسيحاتتاۋ، دامۋ مۇمكىندىگى شەكتەۋلى بالالاردى سپورتقا تارتۋ، ولاردى الەۋمەتتەندىرۋ جانە قوعامعا ينتەگراسيالاۋ، ينكليۋزيۆتى سپورتتى دامىتۋ ءۇشىن سپورتتىق ينفراقۇرىلىمدى قۇرۋ جانە نىعايتۋ ءبىزدىڭ جاستار ءۇشىن ينكليۋزيۆتى ويىنداردى وتكىزۋدىڭ نەگىزگى ماقساتتارى بولىپ تابىلادى.
ينكليۋزيۆتى ويىنداردى وتكىزۋگە ق ر ۇلتتىق پاراليمپيادا كوميتەتى، الماتى قالاسىنىڭ اكىمدىگى، الماتى قالاسىنىڭ سپورت باسقارماسى، «Sport qory» قورى، وڭىرلەردىڭ اكىمدىكتەرى مەن سپورت تۇرلەرى بويىنشا فەدەراسيالار قولداۋ كورسەتتى.
