ينكليۋزيۆتى قالا قاعيداتىن ەنگىزۋ ءارى الماتىنىڭ ساپالى ينفراقۇرىلىمىن دامىتۋ قالالىق اكىمدىكتىڭ ءارى ءبىزدىڭ، ياعني بارلىق اۋداندىق اكىمدىكتەردىڭ باستى مىندەتى بولىپ تابىلادى. بۇل تۋرالى قالا اكىمى ەربولات دوسايەۆ ينكليۋزيۆتى ورتانى دامىتۋ جونىندەگى كەڭەستىڭ ءبىرىنشى وتىرىسىندا ايتتى، دەپ حابارلايدى اlmaty-akshamy.kz.
قالا باسشىسى ورتالىقسىزداندىرۋدى ەسكەرە وتىرىپ، وسى باعىتتاعى وڭ وزگەرىستەردى اتاپ ءوتتى – اۋدان اكىمدەرى ينكليۋزيۆتى ورتا قۇرۋ ۇدەرىسىنە بەلسەندى ەنگىزىلدى. «ءبىز ودان ءارى ورتالىقتاندىرۋدى جالعاستىرامىز، مەن وكىلەتتىكتەرمەن، جاۋاپكەرشىلىكپەن جانە قارجىلىق رەسۋرستارمەن بولىسۋگە دايىنمىن. وتكەن جىلى اۋدان اكىمدەرىنە بەرىلگەن وكىلەتتىكتەر ءقازىردىڭ وزىندە ناتيجە كورسەتتى. ءبىز ءوز الدىمىزعا ءورشىل ماقسات قويىپ وتىرمىز، ياعني 2030 جىلعا دەيىن قالا تۇرعىندارىنا قولجەتىمدىلىك قاجەت بولاتىن بارلىق قالالىق ينفراقۇرىلىم نىساندارىنىڭ ودان ءارى بەيىمدەلۋىن پاسپورتتاۋدى قامتاماسىز ەتۋ، بيىل العاشقى قادامدار جاساعىمىز كەلەدى. بىزدە قاجەتتى قارجى رەسۋرستارى بار»، — دەپ اتاپ ءوتتى ەربولات دوسايەۆ.
«مەن الماتى قالاسىنىڭ قارجىلىق ينكليۋزيا جونىندەگى شتاتتان تىس كەڭەسشى ينستيتۋتىن ءبىرشاما جەتىلدىردىم. ءبىز ارنايى جوبالىق كوماندا قۇردىق. ەندى وسى باعىتتا قارقىندى جۇمىس ىستەۋگە مۇمكىندىگىمىز بار، ءدال وسىنداي بايلانىستىرۋشى بۋىن جەتىسپەدى»، - دەپ تولىقتىردى ءسوزىن قالا اكىمى.
ەستەرىڭىزگە سالا كەتەيىك، قالالىق ينفراقۇرىلىم نىساندارىن پاسپورتتاۋ العاش رەت الماتىدا جۇرگىزىلۋدە. 2023 جىلى 7،5 مىڭ نىسان قامتىلدى. الەۋمەتتىك ينفراقۇرىلىمدى بەيىمدەۋدى، اتاپ ايتقاندا، ەمحانالاردا، اۋرۋحانالاردا، حقكو-لاردا پاندۋستار، قوسالقى تۇتقالار، تاكتيلدى پليتالار ورناتۋدى 2025 جىلدىڭ سوڭىنا دەيىن جۇرگىزۋ جوسپارلانۋدا. كەلەسى جىلدىڭ سوڭىنا قاراي الماتىدا الەۋمەتتىك نىسانداردىڭ 30%-ى مۇمكىندىگى شەكتەۋلى جاندارعا، ال 2030 جىلعا قاراي قالالىق نىسانداردىڭ 75%-ى بەيىمدەلەدى.