ىندەت اقش-تا ءورشىپ بارادى

ىندەت ەشكىمدى اياماۋدا.

قۇراما شتاتتاردا "دەلتا" شتامىمەن اۋىرعانداردىڭ سانى كۇرت ارتتى، دەپ حابارلايدى Almaty-akshamy.kz. 24.kz-سىلتەمە جاساپ.

اقش-تىڭ اۋرۋلاردى باقىلاۋ جانە الدىن الۋ ورتالىعىنىڭ ماماندارى ۆاكسينالاۋدىڭ قارقىنى تومەندەگەنىن ايتىپ، حالىقتى ەكپە الۋعا شاقىردى. ەلدىڭ كەيبىر شتاتتارىندا دەلتا شتامىمەن اۋىرعانداردىڭ سانى كۇرت ءوسىپ كەلەدى جانە اۋرۋحاناعا تۇسكەندەردىڭ كورسەتكىشى 31 پروسەنتكە ارتتى.

ۆاكسينالاۋ قارقىنىنىڭ باسەڭدەۋىنە بىرنەشە فاكتور اسەر ەتىپ وتىر. سونىڭ ءبىرى الەۋمەتتىك جەلىلەردەگى جالعان اقپاراتتىڭ تارالۋى دەيدى ساراپشىلار. دالىرەك ايتقاندا، «دجونسون ەند دجونسون» ۆاكسيناسىنىڭ «Guillain barre» اتاۋىمەن بەلگىلى نيەۆرولوگيالىق سيندرومنىڭ اسقىنۋىنا الىپ كەلەدى» دەگەن قاۋەسەت شىندىققا جاناسپايدى» دەيدى سالا ماماندارى. ايتۋلارىنشا، كوۆيد ۆاكسيناسى ونداي اۋرۋدى تۋعىزادى دەگەن ناقتى دالەل جوق. پرەزيدەنت بايدەننىڭ ءوزى وسىنداي جالعان اقپارات تاراتىپ جاتقان الەۋمەتتىك كومپانيالاردى سىنعا الدى.

- ولار ادامداردىڭ ولىمىنە سەبەپكەر بولىپ جاتىر. ۆيرۋس اسىرەسە  ۆاكسينا الماعاندارعا جۇعىپ جاتىر. ياعني قايعىلى جاعدايعا سولار كىنالى، دەدى اقش پرەزيدەنتى دجو بايدەن.

بۇعان دەيىن، اق ءۇي باسشىسى شىلدەنىڭ باسىنا دەيىن 70 پروسەنت امەريكاندىقتى ۆاكسينالاۋدى دىتتەگەن ەدى. ءقازىر امەريكاندىقتاردىڭ 48 پروسەنتتەن استامى عانا نەمەسە 160 ملن ادام تولىقتاي ۆاكسينالانعان. ساراپشىلاردىڭ ايتۋىنشا، ماسكا تاعۋ  مەن ۆاكسينا الۋعا دەگەن نەمقۇرايلىق ىندەتتى جەڭۋگە قيىندىق تۋدىرۋدا. وسى ۋاقىتقا دەيىن اقش حالقىنىڭ 34 ملن كوۆيد ىندەتىن جۇقتىرىپ، 600 مىڭى قايتىس بولدى.