ۇجىمدىق قاۋىپسىزدىك تۋرالى شارت ۇيىمىنىڭ باس حاتشىسى لاۋازىمىنا يمانعالي تاسماعامبەتوۆ تاعايىندالدى، دەپ حابارلايدى Almaty-akshamy.kz.
ۇجىمدىق قاۋىپسىزدىك كەڭەسى ۇقشۇ-نىڭ جوعارى ورگانى سانالادى.
ونىڭ قۇرامىنا مۇشە مەملەكەتتەردىڭ باسشىلارى، اتاپ ايتقاندا قازاقستان، ارمەنيا، بەلارۋس، قىرعىزستان، تاجىكستان جانە رەسەي پرەزيدەنتتەرى كىرەدى. ءدال وسى كەڭەستىڭ كەلىسىمىمەن ۇقشۇ باس حاتشىسى تاعايىندالادى.
ۇقشۇ باس حاتشىسى ۇيىمنىڭ جوعارى اكىمشىلىك لاۋازىمدى تۇلعاسى سانالادى جانە ۇيىم حاتشىلىعىنا باسشىلىق جاسايدى.
2020 جىلدىڭ 1 قاڭتارىنان بۇل قىزمەتتى بەلارۋس ەلىنىڭ وكىلى گەنەرال-لەيتەنانت ستانيسلاۆ ۆاسيليەۆيچ زاس اتقارىپ كەلگەن بولاتىن.