نيۋ-يوركتە قازاقستاندىق ديدجەي Imanbekء-تىڭ فوتوسى پايدا بولدى.
جەرلەسىمىز، «گرەممي» سىيلىعىنىڭ يەگەرى Imanbek Times Square الاڭىنداعى ەكراندا جاڭا تۋىندىسىن جارنالاپ تۇر. ول امەريكالىق ءانشى دەنيەل تريەۆورمەن دۋەت قۇرعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
سونداي-اق، ديدجەي Instagram پاراقشاسىندا العىس ايتىپ، جاڭا سينگلدى تىڭداۋعا شاقىردى.
يمانبەكتىڭ الەۋمەتتىك جەلىدەگى جازباسىنىڭ استىنا قولدانۋشىلار «تەك قانا ساتتىلىك تىلەيمىن. امان بول!»، «ءتىل كوزدەن ساقتاسىن»، «العا، يمانبەك، العا، قازاقستان»، «ءبىزدىڭ ماقتانشىمىز»، «جارايسىڭ» دەگەن سەكىلدى جىلى لەبىزدەرىن قالدىرعان.
ەسكە سالايىق، 2021 جىلى قازاقستاندىق مۋزىكانت Imanbek SAINt JHN اتتى ءانشىنىڭ «Roses» انىنە جازىلعان رەميكسى Grammy سىيلىعىن جەڭىپ الدى.
ال بىلتىر Imanbekء-تىڭ تۋىندىسى 1 ملرد مارتە تىڭدالعانى ءۇشىن Spotify سىيلىعىن جەڭىپ العان بولاتىن.
ودان بولەك، يمانبەك GQ جۋرنالىنىڭ «جىل جاڭالىعى» اتالىمىن جەڭىپ العان ەدى.