الماتىدا سوت شەشىمى بويىنشا تولە بي مەن مومىش ۇلى كوشەلەرىنىڭ قيىلىسىندا مەملەكەتتىك قوردىڭ جەرلەرىندە ورنالاسقان ءبىرقاتار ساۋدا نۇكتەلەرى مەن كافەلەر سۇرىلەدى. بۇل ۋچاسكەنى كاسىپكەر جالعا الۋ قۇقىعىندا ءۇش جىل مەرزىمگە يەلەنگەن.
جالداۋ مەرزىمى اياقتالعاننان كەيىن كاسىپكەر جەر تەلىمىن مەملەكەتتىك قورعا قايتارۋى كەرەك ەدى، ءبىراق ول مۇنى ءوز ەركىمەن جاساۋدان باس تارتتى. سوندىقتان الماتى قالاسىنىڭ قالا قۇرىلىسىن باقىلاۋ باسقارماسى سوتقا ءتيىستى تالاپ ارىزبەن جۇگىندى.
ناتيجەسىندە، 2021 جىلعى 15 قىركۇيەكتە مامانداندىرىلعان اۋدانارالىق ەكونوميكالىق سوت ءوز بەتىنشە سالىنعان نىسانداردى ءسۇرىپ، ۋچاسكەنى جالپى پايدالانۋعا قايتارۋ تۋرالى شەشىم قابىلدادى. بۇل شەشىمگە اپەللياسيالىق سوتتا ءۇشىنشى تاراپ نارازىلىق ءبىلدىردى. وسى تالاپ ارىز 2021 جىلعى 21 جەلتوقساندا الماتى قالالىق سوتىنىڭ قاراۋىنسىز قالدىرىلدى جانە ءبىرىنشى ساتىداعى سوتتىڭ شەشىمى ۇزاق سوت تالقىلاۋلارىنان كەيىن زاڭدى كۇشىنە ەندى.
ءقازىر الماتى قالاسى ادىلەت دەپارتامەنتى سوت ورىنداۋشىلارىنىڭ نىسانداردى بۇزۋ كۇنىن بەلگىلەۋى كۇتىلۋدە.