تاۋلى قاراباقتا ارميان پوليسياسى مەن ءازىربايجان اسكەرلەرى قاقتىعىستى. ازىرگە ءازىربايجاننىڭ ەكى اسكەرى وققا ۇشتى دەگەن اقپارات بار.
تاۋلى قاراباقتا ارمەنيانىڭ پوليسياسى مەن ءازىربايجاننىڭ اسكەرلەرى اراسىندا قارۋلى قاقتىعىس بولدى، جارالانعاندار مەن قازا تاپقاندار بار، دەپ حابارلايدى اlmaty-akshamy.kz Azattyq Ruhy-نا سىلتەمە جاساپ.
ۆۆس اگەنتتىگىنىڭ حابارلاۋىنشا، ەكى تاراپ قاقتىعىسقا قاتىستى ءارتۇرلى مالىمدەمە جاساعان: ءازىربايجان تاراپىنىڭ ايتۋىنشا، ولار ارميان پوليسياسىنىڭ وق-قارۋ ارتقان كولىگىن تەكسەرمەك بولعان، ال ارميان پوليسياسىنىڭ نۇسقاسى بويىنشا، قىزمەتكە كەتىپ بارا جاتقان پوليسيا قىزمەتكەرلەرىن ءازىربايجان اسكەريلەرى قورشاۋعا العان.
ايتا كەتۋ كەرەك، وقيعا تاۋلى قاراباقتىڭ اكىمشىلىك ورتالىعىنا اپاراتىن جولدا بولعان. بۇل اۋماق ءۇش ايدان بەرى تولىقتاي ءازىربايجان اسكەرىنىڭ قورشاۋىندا تۇر.
ءازىربايجاننىڭ قورعانىس مينيسترلىگى ەكى اسكەريدىڭ قازا تاپقانى تۋرالى حابارلاپ وتىر.