شارا وتاندىق جاس تالانتتاردى قولداۋ ماقساتىندا ۇيىمداستىرىلدى.
الماتىدا قازاقستاننىڭ ەلەكتروندى مۋزىكانتتارىنا ارنالعان ءبىرىنشى حالىقارالىق ونلاين فورۋم وتەدى، دەپ حابارلايدى Almaty-akshamy.kz.
فورۋمعا قازاقستان، رەسەي، ۋكراينا، اقش جانە ەۋروپانىڭ مۋزىكالىق نارىعىنىڭ ەڭ جاقسى سپيكەرلەرى: ديدجەيلەر، دىبىس پروديۋسەرلەرى، A&R مەنەدجەرلەرى، پروموۋتەرلەر، راديوستانسيالار مەن تەلەديدار وكىلدەرى، شىعارماشىلىق يندۋستريا مەنەدجمەنتىنىڭ وكىلدەرى، ۇيىمداستىرۋشىلار جينالادى.
فورۋمنىڭ ماقساتى - قازاقستاندىق ەلەكتروندى مۋزىكانتتار مەن دىبىس پروديۋسەرلەرىن ءبىر پلاتفورماعا بىرىكتىرۋ جانە بۇكىل الەمنىڭ ۇزدىك سپيكەرلەرىنىڭ بىرەگەي بىلىمىنە قول جەتكىزۋ.
شارا الماتىدا 25-26 تامىزدا 12:00-دەن 19:00-گە دەيىن وتەدى.
UYA فورۋمى 2021 كەدەرگىلەردى جويادى جانە جاڭادان كەلگەن مۋزىكانتتارعا جوعارى ساپالى ءبىلىم مەن داعدىلاردى مۇلدەم تەگىن الۋعا مۇمكىندىك بەرەدى.
«قاۋىمداستىق جاس تالانتتاردى قولداۋ ءۇشىن قۇرىلعان. ءبىز جاڭا بۋىننىڭ مۋزىكا سالاسىندا قارقىندى دامىپ كەلە جاتقانىن قامتاماسىز ەتۋ ءۇشىن جۇمىس جاسايمىز جانە ءبىز الەمدىك ساحنادا قازاقستاننىڭ جاڭا ەسىمدەرى مەن حيتتەرىن كوبىرەك كورگىمىز كەلەدى »، - دەپ جازادى ۇيىمداستىرۋشىلار.
فورۋمنىڭ ارنايى قوناعى - ديدجەي جانە دىبىس پروديۋسەرى يمانبەك زەيكەنوۆ. سونىمەن قاتار قازاقستان، رەسەي، ۋكراينا، اقش جانە ەۋروپا ەلدەرىنىڭ سپيكەرلەرى (سپيكەرلەردىڭ تولىق ءتىزىمى @uya.qazaqstan فورۋمىنىڭ رەسمي ينستاگرام اككاۋنتىندا ورنالاسقان).
UYA فورۋمى 2021 قازاقستان رەسپۋبليكاسى ۇكىمەتى جانىنداعى شىعارماشىلىق يندۋستريانى دامىتۋ جونىندەگى جوبالىق وفيس پەن الماتى قالاسى اكىمدىگىنىڭ قولداۋىمەن وتەدى.