«ءۇشقوڭىر» مەدرەسە-كوللەدجىندە الماتى وبلىسى ءدىن قىزمەتكەرلەرىنىڭ رەسپۋبليكالىق كەزەكتى اتتەستاسياسى باستالدى، دەپ حابارلايدى Almaty-akshamy.kz.
شارانى جوعارى دەڭگەيدە وتكىزۋ ءۇشىن قۇرىلعان اتتەستاتتاۋ كوميسسياسىنىڭ قۇرامىندا قمدب ءتوراعاسىنىڭ ورىنباسارى، نايب ءمۇفتي كەنجەالى قوڭىراتباي ۇلى، باس ءمۇفتيدىڭ كەڭەسشىسى كەنجەتاي بايكەمەل ۇلى، ءدىني وڭالتۋ ءبولىمىنىڭ مەڭگەرۋشىسى حاسان تاشاي ۇلى، شاريعات جانە ءپاتۋا ءبولىمىنىڭ مامانى باۋىرجان ءابدۋالى سياقتى ءدىن ماماندار بار.
اتتەستاسيانىڭ العاشقى كەزەڭى تەستىلەۋ جۇيەسى بويىنشا ءوتىپ جاتىر. سىناق بارىسىندا ءدىن قىزمەتكەرلەرىنە اقيدا، فيقھ، يسلام تاريحى، اكىمشىلىك جۇيە (زاڭ) تاقىرىپتارى بويىنشا سۇراقتار توپتاستىرىلعان بيلەتتەر ۇسىنىلۋدا.
ەكىنشى كەزەڭدە يمامدار مەن ۇستازدار اۋىزشا سۇراق-جاۋاپ بويىنشا سىناق تاپسىرۋدا. بۇل كەزەڭدە ءدىن قىزمەتكەرلەرى قىراعات، ءتاجۋيد، حاديس، ءدىن مەن ءداستۇر جانە قمدب بەكىتكەن كوسەپتۋالدى قۇجاتتار بويىنشا قويىلعان سۇراقتارعا جاۋاپ بەرىپ، ءوز بىلىمدەرىن ورتاعا سالۋدا.
بەس كۇنگە سوزىلاتىن رەسپۋبليكالىق اتتەستاسياعا قونايەۆ قالاسى، بالقاش، ەڭبەكشىقازاق، جامبىل، كەگەن، قاراساي، رايىمبەك، تالعار، ۇيعىر، ىلە اۋداندارىندا جۇمىس ىستەيتىن 400 دەن استام ءدىن قىزمەتكەرى قاتىسادى دەپ كۇتىلۋدە.