ديرەكتور بولعان تۇلعالار قىزمەتىن توقتاتتى.
كاسىپكەر يلون ماسك 27 قازاندا Twitter كومپانياسىن ساتىپ العاننان كەيىن ديرەكتورلار كەڭەسىن تاراتتى. بۇل تۋرالى دۇيسەنبى كۇنى اقش باعالى قاعازدار جانە بيرجالار جونىندەگى كوميسسياسىنىڭ (SEC) بازاسىندا جاريالانعان قۇجاتتاردا ايتىلعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
«27 قازاندا بىرىگۋ تۋرالى كەلىسىم ناتيجەسىندە ماسك مىرزا Twitterء-دىڭ جالعىز ديرەكتورى بولدى. مامىلە اياقتالعان ساتتە بىرىگۋ جونىندەگى كەلىسىمنىڭ تالاپتارىنا سايكەس وسىعان دەيىن ديرەكتور بولعان تۇلعالار قىزمەتىن توقتاتتى»، - دەلىنگەن قۇجاتتاردىڭ بىرىندە.
الەۋمەتتىك جەلىنىڭ نەگىزىن قالاۋشىلاردىڭ ءبىرى دجەك دورسي كومپانياداعى اكسياسىنىڭ 2،4% ۇلەسىن ساقتاپ قالدى. قازىرگى ۋاقىتتا ونىڭ جالپى نارىقتىق قۇنى شامامەن 1 ميلليارد دوللاردى قۇرايتىن 18 ميلليوننان استام اكسياسى بار.
بۇعان دەيىن ماسك Twitterء-دى ساتىپ العاننان كەيىن كومپانيا باسشىلىعىنىڭ بىرنەشە مۇشەسىن، سونىڭ ىشىندە باس ديرەكتور پاراگا اگراۆال مەن قارجى ديرەكتورى نەد سەگالدى جۇمىستان شىعارعانى حابارلانعان بولاتىن.