ادەتتە، مۇنداي وتادان كەيىن قالىپقا كەلۋ ءۇشىن التى اي ۋاقىت كەرەك.
اۋىر اتلەتيكادان ءتورت دۇركىن الەم چەمپيونى يليا يلين تىزەسىنە وتا جاساتتى، دەپ حابارلايدى Almaty-akshamy.kz
ادەتتە، مۇنداي وتادان كەيىن قالىپقا كەلۋ ءۇشىن التى اي ۋاقىت كەرەك. الايدا يلين دەنساۋلىعى جاقسى ەكەنىن، كوپ ءۇزىلىس المايتىنىن ايتتى. سپورتشى جاتتىعۋعا قايتا ورالۋعا اسىق ەكەنىن جەتكىزدى.
بىلتىر يليا يلين وقىرماندارعا شاشىن تاقىرلاپ الىپ تاستاعانىن ايتىپ، كوپتى تاڭ قالدىرعان بولاتىن. كەيىن بەلگىلى بولعانداي سپورتشى شاشىن قالىڭداتۋ ءۇشىن تۇركياعا بارىپ، ارنايى كىشىگىرىم وتا جاساتقان.
مۇنداي پروسەدۋرا سيرەپ قالعان شاشتى قالىڭداتۋ ءۇشىن ارنايى وتا ارقىلى جاسالادى. ادامنىڭ باس تەرىسىنە شاش تالشىقتارى ورنالاستىرىلادى. وتا جەرگىلىكتى انەستەزيا ارقىلى جۇزەگە اسىرىلادى.
يليا يلين ءتورت رەت (2005، 2006، 2014 جانە 2015 جىلدارى) اۋىر اتلەتيكادان الەم چەمپيونى اتانعان.