19-21 جەلتوقساندا قىستىڭ قاقاعان ايازىنىڭ بەتى قايتادى.
قازاقستانعا سولتۇستىك اتلانتيكالىق جىلى اۋا ماسساسى جىلجىپ كەلەدى، دەپ حابارلايدى اlmaty-akshamy.kz "قازگيرومەت" رمك-نىڭ باسپا ءسوز قىزمەتىنە سىلتەمە جاساپ.
"قىستىڭ ناعىز قاقاعان ايازدى كەزەڭى اياقتالادى. قازاقستان اۋماعىنا اتلانتيكالىق مۇحيتتىڭ سولتۇستىك بولىگىندەگى جىلى اۋا ماسساسى جىلجىپ كەلەدى. ناتيجەسىندە ەلىمىزدىڭ باسىم بولىگىندە اۋا تەمپەراتۋراسى كوتەرىلەدى دەپ كۇتىلەدى. كەزەكتى سولتۇستىك اتلانتيكالىق سيكلوننىڭ سالدارىنان مەتەوجاعدايلار ناشارلاپ، بوران سوعىپ، قار جاۋادى، ال قاردىڭ ارتى جاڭبىرعا ۇلاسادى. قازاقستاننىڭ باتىسى مەن وڭتۇستىگىندە 21 جەلتوقساندا كەشكە، سونداي-اق ەلىمىزدىڭ سولتۇستىگىندە جانە ورتالىعىندا كوكتايعاق بولادى دەپ بولجانادى"، دەپ حابارلادى "قازگيدرومەت" رمك-نىڭ باسپا ءسوز قىزمەتى
سونداي-اق سينوپتيكتەر سىناپ باعانى كۇندىز -3°C...-8°C ايازدان، بىرتىندەپ -2°C، ودان كەيىن +3°C دەيىن كوتەرىلەتىنىن بولجايدى.