رەسەي ازاماتتىعىن الۋ جەڭىلدەيدى

ەلىمىزدە قوس ازاماتتىققا تىيىم سالىنعان.

رەسەي پرەزيدەنتى ۆلاديمير ءپۋتيننىڭ بەلارۋس، قازاقستان جانە مولدوۆا ازاماتتارىن رەسەي ازاماتتىعىنا قابىلداۋ تۋرالى جارلىعى رەسەي ءتولقۇجاتىن الۋدى جەڭىلدەتەدى، دەپ حابارلايدى Almaty-akshamy.kz

رەسمي رەسەيلىك قۇقىقتىق اقپارات ينتەرنەت-پورتالىندا جاريالانعان جارلىققا سايكەس، 18 جاسقا تولعان قازاقستان ازاماتتارى رەسەي ازاماتتىعىن كەلەسى تالاپتاردى ورىنداماي-اق الا الادى:

تۇرۋعا رۇقسات بەرىلگەن كۇننەن باستاپ رەسەي فەدەراسياسىندا تۇراقتى تۇرۋ؛

رەسەي تاريحىن جانە رەسەي زاڭناماسىنىڭ نەگىزدەرىن ءبىلۋ.

دەگەنمەن، قازاقستاندىقتار ءالى دە ورىس ءتىلىن مەڭگەرگەنىن دالەلدەۋ كەرەك بولادى. رەسەي ءتولقۇجاتىن الۋ ءۇشىن قازاقستان رەسپۋبليكاسىنىڭ ازاماتتارى ءتيىستى ءوتىنىشتى، تۇرۋعا رۇقساتتى، ۇلتتىق ءتولقۇجاتتى جانە ورىس ءتىلىن ءبىلۋىن راستايتىن قۇجاتتى كورسەتۋى قاجەت.

ءدال وسىنداي تالاپتار مولدوۆا ازاماتتارىنا دا قاتىستى بولادى. بەلارۋس ازاماتتارى ءۇشىن ورىس ءتىلىن ءبىلۋىن راستاۋ تالابى قوسىمشا الىنىپ تاستالدى.

"كوممەرسانت" 2023 جىلدىڭ ءبىرىنشى جارتىجىلدىعىندا 13 876 قازاقستاندىق رەسەي ازاماتتىعىن العانىن حابارلايدى. جالپى قاڭتاردان قازانعا دەيىن رەسەي ازاماتتىعىن العان شەتەلدىكتەر سانى 46%-عا ازايعان.

2023 جىلدىڭ باسىندا رەسەي فەدەراسياسىنىڭ مەملەكەتتىك دۋماسىندا قازاقستاندىقتار ءۇشىن رەسەي ازاماتتىعىن الۋدى جەڭىلدەتۋ ماسەلەسى تالقىلاندى.