قازاقستاننىڭ اۋىر اتلەتى يليا يلين ءوزىنىڭ Instagram پاراقشاسىندا وقىرماندارىنا قازاقشا ۆيدەو-ۇندەۋ جاسادى.
ۆيدەودا سپورتشى قازاق ءتىلىن ۇيرەنگىسى كەلەتىنىن ايتتى، دەپ حابارلايدى Almaty-akshamy.kz Egemen.kz-كە سىلتەمە جاساپ.
بەينەجازبادا يليا يلين قازاقشا امانداسىپ، قازاق ءتىلىن جەتىك مەڭگەرگىسى كەلەتىنىن ايتتى.
«مەن قازاقشا كوبىرەك سويلەگىم كەلەدى، ءبىراق ازىرشە وسى. دوستار، مەن قازاق ءتىلىن ۇيرەنۋ ءۇشىن وتە كوپ جۇمىس ىستەيمىن، جانە بۇل ماعان ۇنايدى. مەن وقىعاندى جانە ءوزىمدى دامىتقاندى ۇناتامىن. قازاق ءتىلىن ۇيرەنەتىن ۋاقىت كەلدى»، دەيدى سپورتشى.