الماتىدا رەسپۋبليكا كۇنىنە ارنالعان ءىس-شارالار 20 قازان كۇنى ساعات 11:00-دە مەملەكەتتىك قۋىرشاق تەاترىنداعى «ALMATY PUPPET FESTIVAL» I حالىقارالىق قۋىرشاق تەاترلارى فەستيۆالىنىڭ سالتاناتتى اشىلۋىمەن باستالادى. فەستيۆال 24 قازانعا دەيىن جالعاسادى، جاس كورەرمەندەرگە قازاقستاننىڭ تۇكپىر-تۇكپىرىنەن، سونىمەن قاتار، الىس-جاقىن شەتەلدەردەن – وزبەكستان، پولشا، بولگاريا، گرۋزيا، تۇركيادان كەلگەن تەاتر ۇجىمى ونەر كورسەتەدى.
رەسپۋبليكا كۇنىن تويلاۋ اياسىندا قالادا ءبىرقاتار باسقا ءىس-شارا وتەدى:
- 21 قازان ساعات 10:00 - دە قالانىڭ بارلىق اۋدانىندا ەرىكتىلەر فرونت كەڭسەسىمەن بىرلەسكەن «جاڭا قازاقستان. تازا تابيعات» ەكولوگيالىق سەنبىلىگى وتەدى. سەنبىلىك اياسىندا قالا اۋماعىن تازارتۋ، رەكرەاسيالىق ايماقتاردى، ساياباقتاردى، سكۆەرلەردى، اۋلا اۋماقتارىن جيناۋ، سونىمەن بىرگە جاپپاي اعاش وتىرعىزۋ جوسپارلانعان.
- 23 قازان ساعات 15:00-دە «الاتاۋ» ءداستۇرلى ونەر تەاترىندا ءداستۇرلى انشىلەردىڭ قاتىسۋىمەن «بايتاق ەلىم، قازاقستان» پاتريوتتىق مەرەكەلىك كونسەرتى وتەدى. سونىمەن قاتار، جامبىل اتىنداعى فيلارمونيادا ەتنومادەني بىرلەستىك شىعارماشىلىق ۇجىمدارىنىڭ قاتىسۋىمەن كونسەرت وتەدى.
- 24 قازان ساعات 10:00-دە اباي اتىنداعى قازاق ۇلتتىق وپەرا جانە بالەت تەاترىندا مەملەكەتتىك ناگرادالارمەن ماراپاتتاۋ ءراسىمى وتەدى.
نەگىزگى مەرەكەلىك كونسەرت رەسپۋبليكا كۇنىنە وراي ساعات 15:00-دە قازاقستان ەستراداسى جۇلدىزدارىنىڭ قاتىسۋىمەن رەسپۋبليكا سارايىندا وتەدى. بۇعان قوسا، ساعات 17.00-دە قۇرمانعازى اتىنداعى كونسەرۆاتوريادا وقۋ ورداسىنىڭ جەتەكشى ۇجىمدارى مەن سوليستەرىنىڭ قاتىسۋىمەن «جاساي بەر، قازاق ەلى» اتتى سالتاناتتى كونسەرت ۇيىمداستىرىلادى.
رەسپۋبليكا كۇنى، 25 قازاندا ساعات 11:30-دا «مەدەۋ» بتسك-دا مەملەكەتتىك تۋدى كوتەرۋ جانە قازاقستان ءانۇرانىن جاپپاي ورىنداۋ سالتاناتتى ءراسىمى وتەدى. ءىس-شاراعا قالا جاستارى، قوعام قايراتكەرلەرى، الماتى قالاسى ءماسليحاتىنىڭ دەپۋتاتتارى جانە قازاقستان حالقى اسسامبلەياسىنىڭ وكىلدەرى قاتىسادى. سونىمەن قاتار، سول كۇنى ساعات 11:00-دە جامبىل اتىنداعى قالالىق جاسوسپىرىمدەر كىتاپحاناسىندا «ەل وركەنىن وسىرگەن ازاتتىق» تاقىرىبىندا كۆيز جانە «دەكلاراسيا –تاۋەلسىزدىكتى بەكىتۋدىڭ العاشقى قادامى» كورمەسى وتەدى.
رەسپۋبليكا كۇنى – 25 قازان كۇنى ساعات 11:00-دە جامبىل اتىنداعى قالالىق جاسوسپىرىمدەر كىتاپحاناسىندا «ەل وركەنىن وسىرگەن ازاتتىق» تاقىرىبىندا كۆيز جانە «دەكلاراسيا – تاۋەلسىزدىكتى بەكىتۋدىڭ العاشقى قادامى» كورمەسى وتەدى.
25 قازان ساعات 14:00-دە كوكتوبە ساياباعىندا «الماتى اۋەندەرى» شىعارماشىلىق ۇجىمىنىڭ قاتىسۋىمەن «جاساي بەر ماڭگى – قازاقستانىم» اتتى مەرەكەلىك كونسەرت وتەدى. وسى كۇنى قازاق مەملەكەتتىك سيركىندە ساعات 16:00-دە رەسپۋبليكا كۇنىنە جانە اتاقتى كلوۋن ءارى سيقىرشى، سيرك ءارتىسى كارىم مۇتىرعانوۆتىڭ 70 جىلدىعىنا وراي بەنەفيس ۇيىمداستىرىلادى. قوناقتارعا اكروباتتار، اۋە گيمناستتارى، جونگلەرلەر، ەكۆيليبريستەر، يلليۋزيونيستەر مەن سايقىمازاقتار قاتىساتىن شوۋ-باعدارلاما ۇسىنىلادى. بۇعان قوسا، 25 قازاندا ساعات 20:00-دە استانا الاڭىندا رەسپۋبليكا كۇنىنە وراي مەرەكەلىك وتشاشۋ بولاتىنىن حابارلايمىز.
رەسپۋبليكا كۇنىن تويلاۋ اياسىندا سۋرەتتەر مەن فوتوسۋرەتتەر كورمەلەرى، دوڭگەلەك ۇستەلدەر، اۋىل شارۋاشىلىعى جارمەڭكەلەرى، فلەشموبتار، سپورت فەستيۆالدەرى، تۋرنيرلەر، ماراپاتتاۋ راسىمدەرى، زياتكەرلىك ويىندار مەن اكسيالار وتەدى. رەسپۋبليكا كۇنىنە وراي وتكىزىلەتىن وزگە دە ءىس-شارالار تۋرالى قوسىمشا حابارلانادى.
