ىلە-بالقاش مەملەكەتتىك تابيعي رەزەرۆاتى اۋماعىندا تۇتانعان دالا ورتىمەن كۇرەس جالعاسىپ جاتىر، دەپ حابارلايدى Almaty-akshamy.kz توتەنشە جاعدايلار مينيسترلىگىنە سىلتەمە جاساپ.
«ءورت سوندىرۋشىلەر مەن جەرگىلىكتى اتقارۋشى ورگانداردىڭ بىرلەسكەن كۇشىمەن ىلە-بالقاش رەزەرۆاتى اۋماعىندا ورىن العان (كىشىگىرىم ارالداردا جانە كىرمە جولدارى جوق جەتۋى قيىن باتپاقتى جەرلەردە) ءورتتىڭ تارالۋ اۋماعىن 100 گەكتارعا دەيىن ازايتۋعا مۇمكىن بولدى.
توتەنشە جاعدايلار دەپارتامەنتى جانە «ىلە-بالقاش» مەملەكەتتىك تابيعي رەزەرۆاتى» رمم كۇشتەرى جاياۋ جۇرە وتىرىپ، 5-كۆارتالدا ورتپەن كۇرەسۋدە. قول شانس قۇرالدارى مەن موتوپومپالار پايدالانىلۋدا.
سونداي-اق باقاناس ورمان شارۋاشىلىعى ۋچاسكەلەرىندە جالىننىڭ ءوتۋىن بولدىرماۋ ءۇشىن ورمان شارۋاشىلىعى كۇشتەرىمەن جەر جىرتۋ جۇرگىزىلىپ جاتىر.
ەلدى مەكەندەرگە ءقاۋىپ جوق»، - دەلىنگەن اقپاراتتا.
ايتا كەتەيىك، تابيعي ءورتتى ءسوندىرۋدى جەدەلدەتۋ ءۇشىن 28 ماۋسىم، ساعات 13.40-تان باستاپ «قازاۆياقۇتقارۋ» اق-نىڭ مي-872 تىكۇشاعى جۇمىلدىرىلدى. قازىرگى ۋاقىتتا 7 رەت سۋ شاشىلدى، بارلىعى 21 توننا سۋ.
ءتىلسىز جاۋمەن كۇرەستى تجد جانە «ىلە-بالقاش» تابيعي رەزەرۆاتىنىڭ 70-كە جۋىق قىزمەتكەرى 34 تەحنيكانى قولدانا وتىرىپ جالعاستىرىپ جاتىر.