مەملەكەت باسشىسى قاسىم-جومارت توقايەۆ تۇركيا پرەزيدەنتى رەجەپ تاييپ ەردوعانمەن تەلەفون ارقىلى سويلەستى.
ەكى ەل باسشىلارى ءبىر-بىرىن قۇربان ايت مەرەكەسىمەن قۇتتىقتاپ، قازاقستان مەن تۇركيانىڭ باۋىرلاس حالىقتارىنا يگىلىك پەن باق-بەرەكە تىلەدى، دەپ حابارلايدى Almaty-akshamy.kz.
اڭگىمەلەسۋ بارىسىندا ساۋدا-ەكونوميكالىق، ينۆەستيسيالىق جانە گۋمانيتارلىق سالالارداعى ەكىجاقتى ستراتەگيالىق سەرىكتەستىكتى ودان ءارى دامىتۋ پەرسپەكتيۆالارى تالقىلاندى. بىلتىر مەملەكەت باسشىسىنىڭ انكاراعا جانە تۇركيا پرەزيدەنتىنىڭ استاناعا جاساعان مەملەكەتتىك ساپارلارى كەزىندە قول جەتكىزىلگەن ۋاعدالاستىقتاردى ءتيىمدى جۇزەگە اسىرۋعا باسا ءمان بەرىلدى. تاراپتار تاعى حالىقارالىق جانە وڭىرلىك كۇن تارتىبىندەگى وزەكتى ماسەلەلەر جونىندە پىكىر الماستى.