الماتى وبلىسىندا اۋداندىق ءبىلىم ءبولىمىنىڭ باسشىسى جانە 7 بۋحگالتەر سوتتالدى، - دەپ حابارلايدى aqshamnews.kz
ىلە اۋداندىق سوتى اۋداندىق ءبىلىم ءبولىمىنىڭ باسشىسى ل.كاتكەيەۆاعا جانە وسى ءبولىمنىڭ 7 بۋحگالتەرىنە ۇكىم شىعاردى.
"ولار ءبىلىم بەرۋ سالاسىندا ناقتى جۇمىس ىستەمەگەن ادامدارعا جالاقى اۋدارۋ ارقىلى 686 ملن تەڭگە سوماسىندا بيۋدجەت قاراجاتىن جىمقىرعانى ءۇشىن كىنالى دەپ تانىلدى. سونىمەن قاتار، لاۋازىمدىق وكىلەتىن اسىرا پايدالانىپ، ءوزىنىڭ جۇرگىزۋشىسىن ۆەدومستۆولىق باعىنىستى مەكتەپ-گيمنازياعا كاسىپتىك باعدار بەرۋشى لاۋازىمىنا جۇمىسقا ورنالاستىرعان، وسىلايشا جالپى سوماسى 4،9 ملن تەڭگە جالاقى زاڭسىز تولەنگەن"، - دەپ جازىلعان حابارلامادا.
سوت ۇكىمى:
كاتكەيەۆاعا مەملەكەتتىك قىزمەت اتقارۋعا ءومىر بويىنا تىيىم سالىندى، ول 8 جىلعا باس بوستاندىعىنان ايىرىلدى.
بۋحگالتەرلەرگە مەملەكەتتىك قىزمەتتە 10 جىل قىزمەت اتقارۋعا تىيىم سالىنىپ، 7 جىلدان 8 جىلعا دەيىن باس بوستاندىعىنان ايىرۋ جازاسى تاعايىندالدى.
سوت اكتىسى زاڭدى كۇشىنە ەنگەن جوق.