«ازاماتتارعا ارنالعان ۇكىمەت» مەملەكەتتىك كورپوراسياسىنىڭ قازىرگى قارجىلاندىرۋ تاپشىلىعى 17 ملرد تەڭگەگە جەتكەن، دەپ حابارلايدى aqshamnews.kz
سيفرلىق دامۋ ءمينيسترى جاسلان مادييەۆتىڭ مالىمەتىنشە، بۇل تاپشىلىق كورپوراسيانىڭ فرونت-وفيستەرىن (سون) ۇستاۋعا كەتەتىن جىلدىق شىعىنداردىڭ 21،2 ملرد تەڭگەگە جەتۋىنە بايلانىستى تۋىنداپ وتىر.
قازىرگى ۋاقىتتا سون-داردا 6067 شتاتتىق بىرلىك جۇمىس ىستەيدى، ولار ەلىمىز بويىنشا 334 فرونت-وفيستە قىزمەت كورسەتەدى.
ءمينيستردىڭ ايتۋىنشا، ەگەر سون-دار دەمالىس كۇندەرى دە جۇمىس ىستەيتىن بولسا، قوسىمشا 3،2 ملرد تەڭگە قاجەت بولادى.