الماتى اكىمى ەربولات دوسايەۆ قالانىڭ ءار اۋدانىنداعى بەلسەندى ۇزاق ءومىر ءسۇرۋ ورتالىقتارىنىڭ سانىن ەكىگە جەتكىزۋدى تاپسىردى aqshamnews.kz
الماتى اكىمى ەربولات دوسايەۆ حالىقارالىق قارتتار كۇنىندە الماتى كەڭەسىنىڭ ءتوراعاسى احان بيجانوۆ باستاعان قالالىق ارداگەرلەر كەڭەسىنىڭ مۇشەلەرىمەن كەزدەستى، دەپ حابارلايدى
«ءبىزدىڭ قوعامىمىزدا ۇلكەنگە قۇرمەت كورسەتۋ – ۇلتتىق سانا-سەزىمنىڭ نەگىزىندە جاتقان ەرەكشە ءداستۇر. سىزدەر ءبىزدىڭ تاريحىمىزدىڭ ساقتاۋشىلارى، ەرەكشە ومىرلىك تاجىريبە مەن سارقىلماس دانالىقتىڭ يەسىسىزدەر. قالامىزدىڭ گۇلدەنۋىنە قوسقان ۇلەستەرىڭىز ءۇشىن العىس ايتامىن»، - دەدى ەربولات دوسايەۆ.
كەزدەسۋ بارىسىندا قاتىسۋشىلار اكىمنىڭ باستاماسىمەن بيىل شىلدە ايىندا ىسكە قوسىلعان «التىن جاس» اتتى اعا بۋىن وكىلدەرىنە ارنالعان دەر كەزىندە قولعا الىنعان جۇمىسپەن قامتۋ باعدارلاماسىنىڭ تيىمدىلىگىن اتادى. بۇگىندە 400 الماتىلىق زەينەتكەر جۇمىس تاۋىپ، الەۋەتىن جۇزەگە اسىرىپ وتىر. ايتا كەتەرلىگى، جالاقىنىڭ 50%-ى جەرگىلىكتى بيۋدجەتتەن سۋبسيديالانادى.
الماتى ارداگەرلەر كەڭەسىنىڭ ءتوراعاسى احان بيجانوۆتىڭ ايتۋىنشا، بيىلدىڭ وزىندە الەۋمەتتىك قولداۋ 124 مىڭ ادامدى قامتىدى.
ەگدە جاستاعى ادامداردى ساناتورلىق-ساۋىقتىرۋ ەمىمەن قامتاماسىز ەتۋ جالعاسۋدا. جىل باسىنان بەرى بۇل الەۋمەتتىك كومەكتى 2 مىڭعا جۋىق زەينەتكەر پايدالاندى.
- قالا اكىمىنىڭ تاپسىرماسىمەن حالىقتىڭ الەۋمەتتىك وسال ساناتتارىنا كوممۋنالدىق قىزمەت تاريفتەرىنىڭ وسۋىنە بايلانىستى وتەماقى تولەۋ تاعى ءبىر جىلعا ۇزارتىلدى. بىلتىر 5،7 ملرد تەڭگە كولەمىندەگى اي سايىنعى الەۋمەتتىك تولەم 140 مىڭنان استام ءحاوت ادامدارعا بەرىلدى.
- ارداگەرلەر كەڭەسىنىڭ مۇشەلەرى قالا باسشىلىعىنا وتكەن كەزدەسۋ بارىسىندا كوتەرىلگەن ماسەلەلەردى شەشكەنى ءۇشىن العىس ايتتى. اتاپ ايتقاندا، اۋداندىق ارداگەرلەر ۇيىمدارىن قىزمەتتىك اۆتوكولىكپەن قامتاماسىز ەتۋ ماسەلەسى شەشىمىن تاپتى، ارداگەرلەردى قولداۋ جوباسىنا قارجى ءبولىندى.
بيىل الماتىدا قوسىمشا 3 بەلسەندى ۇزاق ءومىر ءسۇرۋ ورتالىعى اشىلدى. 2022 جىلدان باستاپ قالادا بارلىعى 15 ورتالىق قۇرىلدى. جوبالار زەينەتكەرلەردى مادەني، شىعارماشىلىق، سپورتتىق جانە ىسكەرلىك ومىرگە تارتۋعا باعىتتالعان، بۇل ولاردىڭ فيزيكالىق جانە پسيحيكالىق دەنساۋلىعىن جاقسارتۋعا سەپتىگىن تيگىزەدى. جىل باسىنان بەرى ورتالىققا كەلۋشىلەرگە 500 مىڭعا جۋىق ءتۇرلى قىزمەت كورسەتىلدى.
كەزدەسۋ قورىتىندىسى بويىنشا الماتى اكىمى بەلسەندى ۇزاق ءومىر ءسۇرۋ ورتالىقتارىنىڭ سانىن قالاداعى ءار اۋداندا ەكىگە جەتكىزۋدى جانە كورسەتىلەتىن قىزمەتتەردىڭ ساپاسى مەن ۇزدىكسىزدىگىن قامتاماسىز ەتۋدى تاپسىردى.