ىشكى ىستەر مينيسترلىگى قازاقستاندىق اتا-انالارعا ۇندەۋ جاسادى.
ەسىرتكى قىلمىسىنا قارسى ءىس-قيمىل قىزمەتكەرلەرىمەن استانا قالاسىندا ەلوردالىق جوعارى وقۋ ورنىنىڭ 16 جاستاعى ەكى ستۋدەنتى ۇستالدى. ولاردىڭ بىرەۋىنەن اسا ءىرى كولەمدە سينتەتيكالىق ەسىرتكى تاركىلەندى، دەپ حابارلايدى aqshamnews.kz.
بۇعان قوسا، قاراعاندى وبلىسىندا ەكى ءجاسوسپىرىم ۇستالدى. ولار 9-10 سىنىپ وقۋشىلارى. جاسوسپىرىمدەر ەسىرتكى تاراتاتىن Telegram-ارناعا سىلتەمەسى بار جاپسىرمالاردى جاپسىرۋمەن اينالىسقان. اتالعان فاكتىلەر ءۇشىن قىلمىستىق جازا كوزدەلەدى. 2024 جىلى پوليسيامەن ەسىرتكىنىڭ زاڭسىز اينالىمىنا قاتىسى بار 61 كامەلەتكە تولماعان، ال جىل باسىنان بەرى التى ءجاسوسپىرىم ۇستالدى.
پوليسيا قىزمەتكەرلەرى ەلىمىزدىڭ بارلىق وقۋ ورىندارىندا قۇقىقتىق تۇسىندىرمە جۇمىسىن جۇرگىزەدى. سوعان قاراماستان، مۇنداي فاكتىلەر ءالى دە كەزدەسىپ جاتىر.